തിരുവനന്തപുരം ജില്ല പഞ്ചായത്തിൽ നടക്കാനിരിക്കുന്ന അധ്യക്ഷ ഉപാധ്യക്ഷ തെരഞ്ഞെടുപ്പിൽ വി പ്രിയദർശിനി ജില്ല പഞ്ചായത്ത് പ്രസിഡൻ്റും ബിപി മുരളി ജില്ല പഞ്ചായത്ത് വൈസ് പ്രസിഡൻ്റുമാകും. കല്ലമ്പലം ഡിവിഷനില് നിന്നും വിജയിച്ചാണ് വി പ്രിയദർശിനി സത്യപ്രതിജ്ഞ ചെയ്തത്. പ്രിയദര്ശിനി ഇത് രണ്ടാം തവണയാണ് ജില്ലാ പഞ്ചായത്ത് അംഗമായി തെരഞ്ഞെടുക്കപ്പെടുന്നത്. നാവികുളം ഡിവിഷനിൽ നിന്ന് വിജയിച്ച ബിപി മുരളിയാണ് വൈസ് പ്രഡിഡൻ്റാകുക. ബിപി മുരളി നേരത്തെയും തിരുവനന്തപുരം ജില്ലാ പഞ്ചായത്ത് വൈസ്പ്രസിഡന്റെിന്റെ ചുമതല വഹിച്ചിട്ടുണ്ട്. മുന് കിളിമാനൂര് ബ്ലോക്ക് പ്രസിഡന്റും ജില്ലാ ലൈബ്രറി കൗണ്സില് മുന് പ്രസിഡന്റുമായിരുന്നു ബിപി മുരളി.
സിപിഐഎം ജില്ല സെക്രട്ടറിയേറ്റ് അംഗമാണ് ബിപി മുരളി, കെഎസ്കെടിയു നേതാവുമാണ്. സിപിഎം ൻ്റെ വർക്കല ഏരിയ കമ്മിറ്റി അംഗവും ജനാധിപത്യ മഹിള അസോസിയേഷൻ നേതാവുമാണ് വി പ്രിയദർശിനി
സിപിഐഎം തീരുമാനത്തിന് ഇടതുമുന്നണി ജില്ലാ കമ്മിറ്റി അംഗീകാരം നല്കി. നാളെ നടക്കുന്ന അധ്യക്ഷ തെരഞ്ഞെടുപ്പില് ഇരുവരും മത്സരിക്കും. ജില്ലാ പഞ്ചായത്തില് ഇടതുമുന്നണിക്ക് 15 സീറ്റുകള് ഉണ്ട്. യുഡിഎഫിന് 13 സീറ്റുകളാണ് ഉള്ളത്. മുന്നേയും ജില്ല പഞ്ചായത്ത്എൽ.ഡിഎഫായിരുന്നു ഭരിച്ചിരുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
