തിരുവനന്തപുരം നന്ദൻകോട് തീപിടുത്തം രണ്ട് കാറുകൾ കത്തി നശിച്ചു

തിരുവനന്തപുരത്ത് നന്ദൻ കോട് തീ പിടുത്തമുണ്ടായി. രണ്ട് കാറുകൾ തീ പിടിത്തത്തിൽ കത്തി നശിച്ചു. ഇന്ന് പുലർച്ചെ 5 മണിയോടെ സ്വരാജ് ഭവനിലാണ് തീപിടുത്തം ഉണ്ടായത്. കാർ പോർച്ചിൽ നിർത്തിയിട്ട രണ്ട് കാറുകളാണ് കത്തി നശിച്ചത്.

ഒരു കാറ് ഭാ​ഗീകമായും ഒരു കാർ പൂർണമായും കത്തി നശിച്ചിട്ടുണ്ട്. പുലർച്ചെയായതിനാൽ ആളപായമോ അപകടങ്ങളോ ഉണ്ടായിട്ടില്ല. ഫയർ ഫോഴ്സ് സംഘമെത്തി തീ നിയന്ത്രണ വിധേയമാക്കുകയായിരുന്നു.

Also read; മാട്ടുപ്പെട്ടിയിൽ നിയമം ലംഘിച്ച് യുവാക്കളുടെ സാഹസികത; വീഡിയോ പുറത്ത്

ഷോർട്ട് സർക്യൂട്ടാണ് തീ പിടിത്തിൻ്റെ കാരണമെന്നാണ് പ്രാഥമിക വിവരം. ഇതിൻ്റെ മറ്റ് വിശദാംശങ്ങൾ ഫയർ ഫോഴ്സിൻ്റേയും പൊലീസിൻ്റേയും നേതൃത്വത്തിൽ പരിശോധിച്ചു വരികയാണ്.