ചാലക്കുടി മലക്കപ്പാറ റൂട്ടിൽ കാട്ട് കൊമ്പൻ കബാലി കെ എസ് ആർ ടി സി ബസ് ആക്രമിച്ചു. അമ്പലപാറക്ക് സമീപത്ത് വെച്ചാണ് ആക്രമണം ഉണ്ടായത്. ചാലക്കുടിയിൽ നിന്നും മലക്കപ്പാറയിലേക്ക് പോയ ബസിന് നേരെ ആന പാഞ്ഞടുക്കുകയായിരുന്നു. ബസിൽ ഇരുപതോളം യാത്രക്കാരുണ്ടായിരുന്നു. ആർക്കും പരിക്കില്ല.
അതേസമയം, അന്തർസംസ്ഥാന പാതയിൽ നിലയുറപ്പിച്ച കബാലിയെ വാഹനം ഇടിപ്പിച്ച് പ്രകോപിപ്പിക്കാൻ ശ്രമിച്ച വാഹന ഉടമകൾക്കെതിരെ നടപടിയെടുക്കാൻ വനം വകുപ്പ് തീരുമാനിച്ചു. വാഴച്ചാൽ – മലക്കപ്പാറ അന്തർസംസ്ഥാന പാതയിലാണ് നേരത്തെ സംഭവം നടന്നത്.
ആന റോഡിൽ നിന്നും മാറാതെ നിന്ന സാഹചര്യത്തിൽ ഒരു വാഹനം ഹോൺ മുഴക്കുകയും ആനയുടെ അടുത്തേക്ക് വണ്ടി ഓടിച്ച് പ്രകോപനം സൃഷ്ടിക്കാൻ ശ്രമിക്കുകയും ചെയ്യുകയായിരുന്നു. വനം വകുപ്പ് ഉദ്യോഗസ്ഥരും മറ്റു വാഹനങ്ങളും റോഡിൽ ഉണ്ടായിരുന്നപ്പോഴാണ് തമിഴ്നാട് രജിസ്ട്രേഷനുള്ള വണ്ടിയുടെ ഈ പ്രവർത്തി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
