കോട്ടയത്ത് കാറിടിച്ച് പരുക്കേറ്റ യുവതിയും മരിച്ചു

കോട്ടയത്ത് കാറിടിച്ച് പരുക്കേറ്റ യുവതിയും ഇന്ന് മരണത്തിന് കീഴടങ്ങി. കഞ്ഞിരപ്പള്ളി ചേനപ്പാടി നാ​ഗമറ്റത്തിൽ ശ്രീലക്ഷ്മിയാണ് (27) മരിച്ചത്. കോട്ടയം പാലാ കടപ്പാട്ടൂരിലാണ് ഇന്നലെ സഹോദരങ്ങളായ ശ്രീലക്ഷ്മിയും ശ്രീനാഥും സഞ്ചരിച്ച ബൈക്കിൽ ഇന്നോവ കാർ ഇടിച്ച് ഇരുവർക്കും ​ഗുരുതരമായി പരുക്കേറ്റിരുന്നു.

എൻ എസ് ശ്രീനാഥാണ് (22 ) ഇന്നലെ മരിച്ചിരുന്നു. ഗുരുതരമായി പരുക്കേറ്റ ശ്രീലക്ഷ്മിയെ ചേർപ്പുങ്കലിലെ സ്വകാര്യ ആശുപത്രി ഐസിയുവിൽ പ്രവേശിപ്പിച്ചിരുന്നു. എന്നാൽ ഇന്ന് സ്ഥിതി വഷളായതിനെത്തുടർന്നാണ് ശ്രീലക്ഷ്മിയും മരണത്തിന് കീഴടങ്ങുകയായിരുന്നു. എറണാകുളത്ത് ജോലി സ്ഥലത്ത് നിന്നും തിരികെ വന്ന ശ്രീലക്ഷ്മിയെ കൂട്ടി ചേനപ്പാടിയിലേക്ക് പോകും രാത്രി 8 മണിയോടെ വഴിയാണ് അപകടമുണ്ടായത്. എതിരെ വന്ന വൈക്കം സ്വദേശി സഞ്ചരിച്ച ഇന്നോവ കാർ ബൈക്കിലേക്കിടിക്കുകയായിരുന്നു. അപകടത്തിൽ ​ഗുരുതരമായി പരുക്കേറ്റ ഇരുവരെയും നാട്ടുകാരാണ് ആംബുലൻസ് വിളിച്ച് ആശുപത്രിയിൽ എത്തിച്ചത്.

Also read : തൃപ്പൂണിത്തുറയിൽ ക്ഷേത്രത്തിൽ ആനയിടഞ്ഞ് ഒരാൾക്ക് പരുക്ക്

കൊച്ചി ഇൻഫോസിറ്റിയിൽ ജോലി ചെയ്തിരുന്ന ശ്രീലക്ഷ്മി നാട്ടിൽ ഒരു ബന്ധുവിന്റെ കല്ല്യാണത്തിന് എത്തിയതായിരുന്നു. ശ്രീലക്ഷ്മിയുടെ വിവാഹവും അടുത്ത മാസം നിശ്ചയിച്ചിരിക്കുകയായിരുന്നു.