മൂന്നാം തവണയും ഐപിഎല് കിരീടം സ്വന്തമാക്കി കൊല്ക്കത്ത നൈറ്റ് റൈഡേഴ്സ്. ചെന്നൈ എം എ ചിദംബരം സ്റ്റേഡിയത്തില് നടന്ന ഫൈനലില് സണ്റൈസേഴ്സ് ഹൈദരാബാദിനെ എട്ട് വിക്കറ്റിനാണ് കൊല്ക്കത്ത പരാജയപ്പെടുത്തിയത്. ടോസ് നേടി ബാറ്റിംഗ് തിരഞ്ഞെടുത്ത ഹൈദരാബാദിന് 114 റണ്സ് വിജയലക്ഷ്യം മാത്രമാണ് മുന്നോട്ട് വെക്കാനായത്. 18.3 ഓവറില് എല്ലാവരും പുറത്തായി. മറുപടി ബാറ്റിംഗില് കൊല്ക്കത്ത 10.3 ഓവറില് ഒരു വിക്കറ്റ് മാത്രം നഷ്ടത്തില് ലക്ഷ്യം മറികടന്നു.
also read: രണ്ടു വയസുകാരനെ പാടത്തെ വെള്ളക്കെട്ടിൽ വീണ് മരിച്ച നിലയിൽ കണ്ടെത്തി
വെങ്കടേഷ് അയ്യര് , റഹ്മാനുള്ള ഗുര്ബാസ് എന്നിവരാണ് കൊല്ക്കത്തയെ വിജയത്തിലേക്ക് നയിച്ചത്. നേരത്തെ മൂന്ന് വിക്കറ്റ് നേടിയ ആന്ദ്രേ റസ്സലും രണ്ട് പേരെ വീതം പുറത്താക്കിയ മിച്ചല് സ്റ്റാര്ക്ക്, ഹര്ഷിത് റാണ എന്നിവരാണ് ഹൈദരാബാദിനെ തോല്പിച്ചത്.മൂന്നാം വിക്കറ്റില് കൊല്ക്കത്ത ഗുര്ബാസ് – വെങ്കടേഷ് സഖ്യം 92 റണ്സ് കൂട്ടിചേര്ത്തു. ഒമ്പതാം ഓവറിന്റെ അവസാന പന്തില് ഗുര്ബാസ് മടങ്ങിയെങ്കിലും ശ്രേയസ് അയ്യർ വെങ്കടേഷ് കൂട്ടുകെട്ട് കൊല്ക്കത്തയെ വിജയത്തിലേക്ക് എത്തിച്ചു.
also read: പന്തീരങ്കാവ് ഗാർഹിക പീഡന കേസ്; മുൻകൂർ ജാമ്യാപേക്ഷ ഇന്ന് പരിഗണിക്കും
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
