മുണ്ടക്കയത്ത് ബൈക്കും ജീപ്പും കൂട്ടിയിടിച്ച് അപകടം; യുവാവിന് ദാരുണാന്ത്യം, സുഹൃത്തിന് പരിക്ക്

കോട്ടയം – മുണ്ടക്കയത്ത് ബൈക്കും ജീപ്പും കൂട്ടിയിടിച്ച് യുവാവ് മരിച്ചു. പാലൂർക്കാവ് സ്വദേശി മൂലയിൽ അജിത്ത് (23) ആണ് മരിച്ചത്. സുഹൃത്ത് ഷൈനെ പരുക്കുകളോടെ ആശുപത്രിയിൽ പ്രവേശിപ്പിച്ചു. മുണ്ടക്കയം-ഹോസ്പിറ്റൽ ജംഗ്ഷന് സമീപം വൈകിട്ട് ഒമ്പതുമണിയോടെയായിരുന്നു അപകടം. കാഞ്ഞിരപ്പള്ളി ഭാഗത്ത് നിന്നും വന്ന ജീപ്പും എതിർ ദിശയിൽ എത്തിയ ബൈക്കും കൂട്ടിയിടിക്കുകയായിരുന്നു.

ALSO READ: വീട്ടിൽ നിന്ന് സ്പിരിറ്റ് പിടിച്ചു; ജീപ്പ് ഡ്രൈവർ ജീവനൊടുക്കി

കാറിൽ നിന്ന് പടക്കം വലിച്ചെറിയുന്നതിനിടെ കാറിനുള്ളിൽ വച്ച് പൊട്ടിത്തെറിച്ചു; രണ്ട് പേർക്ക് പരുക്ക്

കോഴിക്കോട് നാദാപുരം പേരോട് പടക്കം പൊട്ടിക്കുന്നതിനിടെ അപകടം. രണ്ട് പേർക്ക് പരുക്കേറ്റു. കല്ലാച്ചി സ്വദേശി മുഹമ്മദ് ഷഹറാസ്, റയീസ് എന്നിവർക്കാണ് പരുക്കേറ്റത്. ഷഹറാസിൻ്റെ വലത്കൈ പ്പത്തി തകർന്ന നിലയിലാണ്.

ഞായറാഴ്ച രാത്രി ഏഴ് മണിയോടെ പേരോട് – ഈയ്യങ്കോട് റോഡിലാണ് അപകടം നടന്നത്. ഇവർ സഞ്ചരിച്ചിരുന്ന കാറിനും കേടുപാടുകൾ സംഭവിച്ചു. KL 18 Y 3733 നമ്പർ കാറിൻ്റെ മുൻ – പിൻ ഭാഗങ്ങളിലെ ഗ്ലാസുകൾ സ്ഫോടനത്തിൽ തകർന്നു.

കാറിൽ നിന്ന് ഉഗ്രശേഷിയേറിയ പടക്കം തീ കൊളുത്തി പുറത്തേക്ക് എറിയുന്നതിനിടെ കാറിനുള്ളിൽ നിന്ന് തന്നെ പടക്കം പൊട്ടി തെറിക്കുകയായിരുന്നു. നാദാപുരം പൊലീസ് സ്ഥലത്തെത്തി, അന്വേഷണം ആരംഭിച്ചു.