മിസിസ് ഇൻ്റർനാഷണൽ റണ്ണർ അപ്പ് കിരീടം സ്വന്തമാക്കി കോഴിക്കോട്ടുകാരി

മിസിസ് ഇൻ്റർനാഷണൽ റണ്ണർ അപ്പ് കിരീടം നേടി കോഴിക്കോട്ടുകാരി വിനീത വിശ്വനാഥൻ. മികച്ച നർത്തകിയും സൈക്കോളജി കൗൺസിലറും കൂടിയാണ് കോവൂ‍ർ സ്വദേശിനിയായ വിനീത.

Also read:‘വാച്ച്മാന് പോലും കൊടുക്കാൻ പൈസയില്ലാത്ത ഒരു സമയം ഉണ്ടായിരുന്നു; ബിഗ് ബിയുടെ ദുരിതകാലത്തേക്കുറിച്ച് രജനീകാന്ത്

ഇൻ്റർനാഷണൽ മത്സരത്തിൽ പങ്കെടുക്കുന്നതിന് മുൻപ് ദില്ലിയിൽ നടന്ന ദേശീയ മത്സരത്തിലാണ് വിനീത ആദ്യമായി പങ്കെടുത്തത്. ഈ മത്സരത്തിൽ മിസിസ് ഇന്ത്യ ഫസ്റ്റ് റണ്ണർ അപ്പ് ആയിരുന്നു. തുട‍ർന്നാണ് ദുബായിൽ നടന്ന മിസിസ് ഇൻ്റർനാഷണൽ 2024-ൽ ഇന്ത്യയെ പ്രതിനിധീകരിച്ച് മത്സരിച്ചത്.

Also read:ക്യാംപിങിനെത്തിയ ദമ്പതികളുടെ കൂടെ നിന്നും കാണാതായ പൂച്ചയെ കണ്ടെത്തിയത് 1,287 കിലോമീറ്റർ ദൂരെനിന്ന്; ഉടമകളെ തേടി പൂച്ച നടത്തിയ യാത്രയുടെ കഥ

ടാലൻ്റ് റൗണ്ട്, നാഷണൽ കോസ്റ്റ്യൂം റൗണ്ട്, ഡിസൈനേഴ്‌സ് റൗണ്ട് എന്നിങ്ങനെ മൂന്ന് റൗണ്ടുകളായായിരുന്നു മത്സരം നടന്നത്. ഏറെ നാളത്തെ ആ​ഗ്രഹമാണ് സഫലമായതെന്നും വളരെയേറെ സന്തോഷമുണ്ടെന്നും മിസിസ് ഇൻ്റർനാഷണൽ റണ്ണർ അപ്പ് കിരീടം ചൂടിയശേഷം വിനിത പ്രതികരിച്ചു. ഇന്ത്യൻ പാരമ്പര്യ വേഷം ധരിച്ചായിരുന്നു വിനീത മത്സരത്തിനെത്തിയത്.