കെഎസ്ഇബിയുടെയും വൈദ്യുതി റഗുലേറ്ററി കമ്മിഷന്റെയും മുന്‍ ചെയര്‍മാനും മുന്‍ വനം മേധാവിയുമായ ടി.എം. മനോഹരന്‍ (73) അന്തരിച്ചു. കൊച്ചിയിലായിരുന്നു അന്ത്യം. കുറച്ചുകാലമായി അല്‍സ്‌ഹൈമേഴ്‌സ് രോഗബാധിതനായിരുന്നു. സംസ്‌കാരം നാളെ വൈകിട്ട് 4ന് ഇടപ്പള്ളി ശ്മശാനത്തില്‍.
ALSO READ ;തൃശൂരിൽ കോൺഗ്രസ് ഭരിക്കുന്ന സഹകരണ ബാങ്കിൽ രണ്ടരക്കോടി രൂപയുടെ തട്ടിപ്പ്
ടി.എം. മനോഹരന്റെ നിര്യാണത്തില്‍ മുഖ്യമന്ത്രി പിണറായി വിജയന്‍ അനുശോചിച്ചു.വൈദ്യുതി ബോര്‍ഡിന് ഏഴ് വര്‍ഷത്തോളം നേതൃത്വം നല്‍കിയ അദ്ദേഹം മറ്റ് ഔദ്യോഗിക പദവികളിലും ശ്രദ്ധേയമായ പ്രവര്‍ത്തനമാണ് കാഴ്ചവെച്ചതെന്ന് മുഖ്യമന്ത്രി അനുസ്മരിച്ചു.
വനം വകുപ്പ് മേധാവി ആയി വിരമിച്ച ശേഷം 2013 ജനുവരിയിലാണ് അദ്ദേഹം റഗുലേറ്ററി കമ്മിഷന്‍ ചെയര്‍മാനായത്. രണ്ടു തവണയായി ഏഴു വര്‍ഷം വൈദ്യുതി ബോര്‍ഡിന്റെ ചെയര്‍മാനായും സേവനം അനുഷ്ഠിച്ചു. ഏറ്റവും കൂടുതല്‍ കാലം വൈദ്യുതി ബോര്‍ഡിന്റെ ചെയര്‍മാനായിരുന്നു ടി.എം. മനോഹരന്‍.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
