നാദാപുരം ഗവൺമെന്റ് കോളജിൽ എസ്എഫ്ഐ പ്രവർത്തകരെ ക്രൂരമായി മർദിച്ച് കെഎസ്‌യു-എംഎസ്എഫ് സംഘം. നാദാപുരം ഗവൺമെന്റ് കോളേജിലെ വിദ്യാർത്ഥികളെയാണ് കെഎസ്‌യു-എം എസ് എഫ് പ്രവർത്തകർ ആക്രമിച്ചത്. റംഷാദ്, നിഹാൽ എന്നിവരുടെ നേതൃത്വത്തിലാണ് വിദ്യാർത്ഥികൾക്ക് നേരെ ആക്രമണം അഴിച്ചുവിട്ടത്. സംഭവത്തിന്റെ ദൃശ്യങ്ങൾ കൈരളി ന്യൂസിന് ലഭിച്ചിട്ടുണ്ട്.
കെഎസ്‌യു പ്രവർത്തകർ സമാധാനത്തിന്റെ വെള്ളരിപ്രാവുകൾ ആണെന്ന തരത്തിലുള്ള വാക്കുകൾ കഴിഞ്ഞ ദിവസങ്ങളിലുടനീളം വിഡി സതീശൻ അടക്കമുള്ള കോൺഗ്രസ് നേതാക്കൾ പറഞ്ഞു നടന്നിരുന്നു. ഈ പ്രചാരണങ്ങൾക്ക് കൂടി ഏറ്റ തിരിച്ചടിയാണ് ഈ സംഭവം. കെഎസ്‌യു-എംഎസ്എഫ് സഖ്യത്തിന്റെ അക്രമ രാഷ്ട്രീയം കൈരളി ന്യൂസിന് ലഭിച്ച ഈ ദൃശ്യങ്ങളിൽ നിന്നും വ്യക്തമാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
