വികസന പൂർണതയ്ക്ക് എൽ ഡി എഫ്; നിലമ്പൂരിന് എം സ്വരാജ്

നിലമ്പൂർ ഉപതെരഞ്ഞെടുപ്പിൽ വികസനം പറഞ്ഞ് പ്രചരണത്തിനിറങ്ങിയ എൽ ഡി എഫ് സ്ഥാനാർഥി എം സ്വരാജ് ജയം ഉറപ്പിച്ചിരിക്കുകയാണ്. നിലമ്പൂരിന്റെ വികസന തുടർച്ചയ്ക്കായി എം സ്വരാജിന്റെ വിജയം നിലമ്പൂർ മണ്ഡലവും ആ​ഗ്രഹിക്കുന്നുണ്ട്.

മണ്ഡലത്തിലെ വികസന പ്രവർത്തനങ്ങൾ എന്തൊക്കെയായിരിക്കും എന്ന കൃത്യമായ ഉൾക്കാഴ്ചയോടെയാണ് എം സ്വരാജന്റെ പ്രചരണപ്രവർത്തനങ്ങൾ. എൽ ഡി എഫ് പ്രകടനപത്രികയിൽ പറഞ്ഞിരിക്കുന്ന പ്രധനപ്പെട്ട കാര്യങ്ങൾ എന്തൊക്കെയാണെന്ന് പരിശോധിക്കാം.

Also Read: നിലമ്പൂർ നാളെ പോളിംഗ് ബൂത്തിലേക്ക്; വിജയപ്രതീക്ഷയിൽ ഇടതുപക്ഷം

മഡലത്തിൽ ഇ ഹെൽത്ത് സംവിധാനം നടപ്പിലാക്കും. ഭിന്നശേഷി, വയോജന സൗഹൃദ മണ്ഡലമാക്കി മാറ്റും. ആരോ​ഗ്യ രം​ഗത്തെ വികസന പ്രവർത്തനങ്ങൾ തുടരും ജില്ലാ ആശുപത്രിയിലെ പശ്ചാത്തല സൗകര്യ വികസനങ്ങൾ പൂർത്തീകരിക്കും, കാർഡിയോളജി ഡിപ്പാർട്ട്മെന്റ് യാഥാർഥ്യമാക്കും.

തദ്ദേശ സ്വയംഭരണ സ്ഥാപനങ്ങളുടെ സഹകരണത്തോടെ മാലിന്യ മുക്ത നവകേരളം പ​ദ്ധതി മണ്ഡലത്തിലി‍ സുസ്ഥിരമാക്കും. ജലജീവൻ മിഷനിൽ ഉൾപ്പെട്ട കുടിവെള്ള പദ്ധതി പൂർത്തീകരിച്ച് കുടിവെള്ള ക്ഷാമം പരിഹരിക്കും. മണ്ഡലത്തിലെ മലയോര ഹൈവേ നിർമാണം ഉടൻ പൂർത്തീകരിക്കും. നിലമ്പൂർ, എടക്കര ബൈപ്പാസ് പദ്ധതികളുടെ നിർമാണപ്രവർത്തികൾ ദ്രുത​ഗതിയിൽ പൂർത്തീകരിക്കും. മൈസൂർ രാത്രി യാത്രാ നിരോധനം എടുത്തുകളയാൻ കേന്ദ്ര സർക്കാരിൽ സമ്മർദം ചെലുത്തും.

Also Read: നമ്മൾ ഒരുമിച്ച് മത്സരിച്ച്‌ ഒരുമിച്ച് ജയിക്കും: എം സ്വരാജ്‌

മണ്ഡലത്തിലെ യുവജനങ്ങൾക്കായി തൊഴിലവസരങ്ങൾ സൃഷ്ടിക്കുവാൻ വിജ്ഞാന കേരളം പദ്ധതിയെ ഉപയോ​ഗപ്പെടുത്തി അഭ്യസ്ത വിദ്യരായ യുവതി യുവാക്കൾക്ക് നൈപുണ്യ വികസന പദ്ധതിയിലൂടെ അഭിരുചിക്കനുസരിച്ച് തൊഴിൽ ലഭ്യമാക്കാൻ ഇടപെടും. മണ്ഡലത്തെ ഒരു ഉന്നത വിദ്യാഭ്യാസ ഹബ്ബാക്കി മാറ്റും. നിലമ്പൂർ ​ഗവൺമെന്റ് കോളേജ് സ്ഥലമേറ്റെടുപ്പ് നടപടികൾ വേ​ഗത്തിൽ പൂർത്തീകരിക്കുക. മനുഷ്യ വന്യജീവി സംഘർഷം ലഘൂകരിക്കാൻ കേന്ദ്ര വനനിയമത്തിൽ കാതലായ മാറ്റം വരുത്താൻ കേന്ദ്ര സർക്കാരിൽ സമ്മർദം ചെലുത്തും.