അയോധ്യാ രാമക്ഷേത്രത്തിലെ മേല്ക്കൂരയില് ചോര്ച്ച. രാം ലല്ല വിഗ്രഹം സ്ഥാപിച്ച ശ്രീകോവില് മഴയത്ത് ചോരുന്നതായി മുഖ്യപുരോഹിതന് ആചാര്യ സത്യേന്ദ്ര ദാസ്. ശരിയായ ഡ്രെയ്നേജ് സംവിധാനമില്ലാത്തതിനാല് വെളളം പുറത്തേക്ക് ഒഴുകുന്നില്ലെന്നും മുഖ്യപുരോഹിതന് വെളിപ്പെടുത്തി. ജനുവരി 22ന് നരേന്ദ്രമോദി പ്രാണപ്രതിഷ്ഠ നടത്തിയ ക്ഷേത്രമാണ് ആറ് മാസം തികയും മുമ്പ് നിര്മ്മാണപ്പിഴവ് പുറത്തുവരുന്നത്.
Also Read; കൊച്ചുവേളി ഇൻഡസ്ട്രിയൽ ഏരിയയിൽ വൻ തീപിടിത്തം; തീ അണയ്ക്കാനുള്ള ശ്രമം തുടർന്ന് ഫയർഫോഴ്സ്
2024ലെ ലോക്സഭാ തെരഞ്ഞെടുപ്പ് ലക്ഷ്യമിട്ടായിരുന്നു നരേന്ദ്രമോദിയും ബിജെപിയും അയോധ്യാ രാമക്ഷേത്രത്തിന്റെ ആദ്യനില മാത്രം നിര്മ്മാണം പൂര്ത്തിയാക്കി പ്രാണപ്രതിഷ്ഠ നടത്തിയത്. ജനുവരി 22ന് മോദി പ്രാണപ്രതിഷ്ഠ നടത്തിയ രാം ലല്ല സ്ഥിതി ചെയ്യുന്ന ശ്രീകോവില് ചോരുന്നുവെന്നാണ് മുഖ്യപുരോഹിതന്റെ വെളിപ്പെടുത്തല്. കൃത്യമായ ഡ്രെയ്നേജ് സംവിധാനമില്ലാത്തതിനാല് വെളളം ക്ഷേത്രത്തില് കെട്ടിക്കിടക്കുകയാണെന്നും ഇങ്ങനെ പോയാല് മഴക്കാലത്ത് അനുഷ്ഠാനങ്ങള് മുടങ്ങുമെന്നും മുഖ്യപുരോഹിതനായ ആചാര്യ സത്യേന്ദ്ര ദാസ് ആശങ്ക അറിയിച്ചു.
Also read:ദില്ലിയിലെ ജലക്ഷാമം; വിഷയം പാര്ലമെന്റില് ഉന്നയിക്കുമെന്ന് ആം ആദ്മി എംപി സഞ്ജയ് സിംഗ്
അയോധ്യാ ക്ഷേത്രനിര്മ്മാണത്തിനായി രൂപീകരിച്ച ട്രസ്റ്റിന്റെ പൂര്ണമായ നടത്തിപ്പും ആര്എസ്എസ് നിയന്ത്രണത്തിലാണ്. വിദേശഫണ്ട് ഉള്പ്പെടെ കോടികളാണ് ട്രസ്റ്റ് ക്ഷേത്രനിര്മ്മാണത്തിനായി സമാഹരിക്കുന്നത്. വിദേശഫണ്ട് യഥേഷ്ടം സ്വീകരിക്കാന് ട്രസ്റ്റിന് എഫ്സിആര്എ ലൈസന്സും കേന്ദ്രം അനുവദിച്ചിരുന്നു. മൂവായിരം കോടി രൂപ നീക്കിവയ്പ്പുണ്ടെന്ന് ട്രസ്റ്റ് വ്യക്തമാക്കുകയും ചെയ്തു. ഇതിനിടെയാണ് നിര്മ്മാണം പൂര്ത്തിയാക്കി ആറ് മാസം തികയും മുമ്പ് അയോധ്യാ ക്ഷേത്രത്തിന്റെ മേല്ക്കൂര ചോരുന്നത്. 2025 ജൂലൈ മാസത്തോടെ ക്ഷേത്ര നിര്മ്മാണം പൂര്ത്തിയാക്കാനാണ് കേന്ദ്രസര്ക്കാര് ലക്ഷ്യമിടുന്നത്. എന്നാല് ചോര്ച്ചയിലൂടെ ക്ഷേത്ര നിര്മ്മാണത്തിലെ വന് അഴിമതിയും കെടുകാര്യസ്ഥതയുമാണ് പുറത്തുവരുന്നത്. കേന്ദ്രസര്ക്കാര് പദ്ധതികളിലാകമാനം അഴിമതിയും നിര്മ്മാണപ്പിഴവും ആവര്ത്തിക്കുമ്പോഴാണ് വിശ്വാസികളെയും വഞ്ചിച്ചുകൊണ്ട് അയോധ്യാക്ഷേത്രത്തിന്റെ പേരിലുളള ക്രമക്കേടും പുറത്തുവരുന്നത്.
VIDEO | “It is very surprising. So many engineers are here and the Pran Pratishtha was held on January 22, but water is leaking from the roof. Nobody would’ve thought this,” says Ram Temple chief priest Acharya Satyendra Das.
(Full video available on PTI Videos -… pic.twitter.com/tf1zRDQ34D
— Press Trust of India (@PTI_News) June 24, 2024
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
