ഓൺലൈനായി ഓർഡർ ചെയ്യുന്ന ഭക്ഷണങ്ങൾ കൂടുതലും കറുത്ത പ്ലാസ്റ്റിക് പത്രങ്ങളിലാണ് നമ്മൾക്ക് ലഭിക്കാറുള്ളത്. ഇത്തരം പത്രങ്ങളിൽ ഭക്ഷണം ലഭിക്കുന്നതിൽ ആരോഗ്യ പ്രശ്നങ്ങൾ എന്തെങ്കിലും ഉണ്ടോ എന്നത് മിക്കവർക്കും അറിവുള്ള കാര്യമല്ല. എന്നാൽ ഇത്തരം പാത്രങ്ങൾ ഉപയോഗിക്കുന്നത് ഗുരുതരമായ ആരോഗ്യപ്രശ്നങ്ങൾക്ക് കാരണമാകുമെന്ന് ഡോക്ടർ നന്ദിത അയ്യർ പറയുന്നു.
എന്തുകൊണ്ടാണ് കറുത്ത പ്ലാസ്റ്റിക് അപകടകരമാകുന്നത് എന്ന് ഡോക്ടർ പറയുന്നത് നോക്കാം. കറുത്ത പ്ലാസ്റ്റിക് പാത്രങ്ങൾ പലപ്പോഴും ഇലക്ട്രോണിക് മാലിന്യങ്ങൾ കൊണ്ടാണ് നിർമിക്കുന്നത്. അതായത് പഴയ ടിവികൾ, റിമോട്ടുകൾ തുടങ്ങിയവ പുനരുപയോഗം ചെയ്താണ് നിർമ്മിക്കുന്നത്.
Also read: ഈ 5 ഭക്ഷണങ്ങള് വീണ്ടും ചൂടാക്കി കഴിക്കല്ലേ, പണി കിട്ടും
ഇത്തരം മാലിന്യങ്ങളിൽ കാണപ്പെടുന്ന പിവിസി, തീപിടുത്തം തടയാൻ ഉപയോഗിക്കുന്ന ഫ്ലേം റിട്ടാർഡന്റുകൾ എന്നിവ ഭക്ഷണത്തിന് ഉപയോഗിക്കുന്നവയല്ല. വിവിധതരം പ്ലാസ്റ്റിക്കുകളുടെ ഈ മിശ്രിതം മറയ്ക്കാനാണ് പത്രങ്ങളിൽ കറുത്ത നിറം ചേർക്കുന്നത്.
ഇത്തരം പാത്രങ്ങളിൽ ചൂടുള്ളതോ, എണ്ണമയമുള്ളതോ, അസിഡിക് ആയതോ ആയ ഭക്ഷണങ്ങൾ സൂക്ഷിക്കുമ്പോൾ അതിലടങ്ങിയിരിക്കുന്ന ഹാനികരമായ രാസവസ്തുക്കൾ ഭക്ഷണത്തിലേക്ക് കലരുന്നു. ഇത് ആരോഗ്യത്തിന് വളരെ ദോഷമാണ് എന്നും ഡോക്ടർ നന്ദിത അയ്യർ മുന്നറിയിപ്പ് നൽകുന്നു.
If most of the food you’re ordering comes in black plastic containers – you need to watch this video pic.twitter.com/m5VYXUN2VI
— Dr Nandita Iyer (@saffrontrail) February 18, 2026
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
