പ്രൊഫ. എം. കെ സാനുവിൻ്റെ വിയോഗം മലയാള ഭാഷയ്ക്കും സംസ്കാരത്തിനും സാഹിത്യത്തിനും പറഞ്ഞറിയിക്കാൻ പറ്റാത്ത നഷ്ടമാണ് ഉണ്ടാക്കിയിരിക്കുന്നതെന്ന് സിപിഐ എം ജനറൽ സെക്രട്ടറി എം എ ബേബി.
“തനിക്ക് വ്യക്തിപരമായി വളരെക്കാലമായി പരിചയമുള്ള വ്യക്തിയാണ് സാനു മാഷ്. ഏറ്റവും സജീവമായിരുന്ന ജീവിതമായിരുന്നു അദ്ദേഹത്തിന്റേത് . അസ്തമിക്കാത്ത വെളിച്ചം എന്ന സാനു മാഷിന്റെ പുസ്തകമുണ്ട്. ആ പുസ്തകത്തിന്റെ പേര് അദ്ദേഹത്തിന് കൂടി അർഹതപ്പെട്ടതാണ്” എന്നും എം എ ബേബി പറഞ്ഞു.
കൊച്ചിയിലെ സ്വകാര്യ ആശുപത്രിയിൽ വച്ച് ഇന്ന് വൈകിട്ടോടെയായിരുന്നു പ്രൊഫ. എം കെ സാനുവിന്റെ അന്ത്യം. വ്യാഴാഴ്ച രാത്രി വീട്ടിൽ വെച്ച് വീണ് ഇടുപ്പെല്ലിന് പരുക്കേറ്റതിനെ തുടർന്ന് ശസ്ത്രക്രിയക്ക് വിധേയനായിരുന്നു. പിന്നീട് ആരോഗ്യനില വഷളാകുകയായിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
