ബിജെപിക്ക് കടന്നു ചെല്ലാൻ പറ്റാത്ത മേഖലയിൽ ഉപജാപ സംഘത്തെ ഉപയോഗിച്ച് സ്വാധീനിക്കാൻ ശ്രമിക്കുന്നതിന്റെ തെളിവാണ് കലാമണ്ഡലം ഗോപി ആശാൻ വിഷയത്തിൽ ഉണ്ടായത് എന്ന് എം വി ഗോവിന്ദൻ മാസ്റ്റർ.
കേരളത്തിൽ യുഡിഎഫും എൽഡിഎഫും തമ്മിലാണ് മത്സരമെന്ന് എം വി ഗോവിന്ദൻ മാസ്റ്റർ പറഞ്ഞു.ബിജെപി 20 സീറ്റിലും മൂന്നാം സ്ഥാനത്ത് പോകും. വന്യമൃഗ ആക്രമണ പ്രശ്നങ്ങളിൽ എന്നും ജനങ്ങൾക്കൊപ്പം നിന്നിട്ടുള്ളത് ഇടതുപക്ഷമാണ്.വന്യജീവി ആക്രമണത്തിൽ മാത്രമല്ല ജനങ്ങളെ ബാധിക്കുന്ന എല്ലാ വിഷയത്തിലും ഭരണമുള്ളപ്പോഴും ഭരണമില്ലാത്ത ഘട്ടത്തിലും ഇടതുപക്ഷം ജനങ്ങൾക്കൊപ്പം നിന്നിട്ടുണ്ട്.
ജനങ്ങളിൽ നിന്ന് പണം സ്വീകരിച്ച് തെരഞ്ഞെടുപ്പിന് നേരിടുന്ന വേറെ ഏത് പാർട്ടിയാണ് ഇന്ത്യയിലുള്ളത്. കുത്തകകളിൽ നിന്ന് പണം സ്വീകരിച്ചാണ് മറ്റുള്ളവർ തെരഞ്ഞെടുപ്പിനെ നേരിടുന്നത്.സിപിഐഎം ജനങ്ങളുടെ സഹായത്താലാണ് പ്രവർത്തനം സംഘടിപ്പിക്കുന്നത് എന്നും എം വി ഗോവിന്ദൻ മാസ്റ്റർ പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
