താഴെ തട്ട് മുതലുള്ള പാർട്ടി പ്രവർത്തകരെ കേൾക്കും; പാർട്ടി വിശദമായി ചർച്ച ചെയ്ത് മുന്നോട്ട് പോകും: എം എ ബേബി

നിയമസഭാ തെരഞ്ഞെടുപ്പിലെ പരാജയവുമായി ബന്ധപ്പെട്ട് താഴെ തട്ട് മുതലുള്ള പാർട്ടി പ്രവർത്തകരെ കേൾക്കുമെന്നും പരാജയത്തെ സംബന്ധിച്ച് വിശദമായി ചർച്ച നടത്തുമെന്നും സി പി ഐ എം ജനറൽ സെക്രട്ടറി എം എ ബേബി.
തിരുവനന്തപുരം എ കെ ജി സെൻ്ററിൽ സംസ്ഥാന സെക്രട്ടറിയേറ്റ് യോ​ഗത്തിന് ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേ​ഹം.

വിലയിരുത്തലുകൾ ഉണ്ടായി എന്നും താഴെ തട്ട് മുതൽ കേൾക്കുന്നതാണ് എന്നും പാർട്ടി സമീപനമെന്നും അദ്ദേഹം പറഞ്ഞു.കൃത്യമായി മുഴുവൻ കാര്യങ്ങളും താഴെ മുതൽ കേട്ടിട്ട് വന്നിട്ട് മാധ്യമങ്ങളുടെ ചോദ്യങ്ങൾക്ക് മറുപടി പറയാമെന്നും അദ്ദേഹം വ്യക്തമാക്കി.

Also read: മുൻപും തിരിച്ചടികളിൽ തിരുത്തി തിരിച്ചു വന്ന ചരിത്രമാണ് ഇടതുപക്ഷത്തിനുള്ളത്; എല്ലാവരെയും കേട്ട് ആവശ്യമായ തിരുത്തലുകൾ വരുത്തി പാർട്ടി മുന്നേറും: എം വി ഗോവിന്ദൻ മാസ്റ്റർ

ഇന്ന് വൈകുന്നേരം എം വി ​ഗോവിന്ദൻ മാസ്റ്റർ മാധ്യമങ്ങളെക്കണ്ടിരുന്നു. തിരിച്ചടിയുണ്ടായത് കൃത്യമായി പരിശോധിക്കുമെന്നും തിരുത്തി തിരിച്ചു വരുമെന്നും എം വി ​ഗോവിന്ദൻ മാസ്റ്റർ പറഞ്ഞിരുന്നു. മുന്നേയും തിരിച്ചടികളിൽ തിരുത്തി മുന്നോട്ട് പോയ പാർട്ടിയാണിതെന്നും അദ്ദേഹം പറഞ്ഞു. ഇന്ന് തിരുവനന്തപുരം എ കെ ജി സെൻ്ററിൽ സി പി ഐ എം സംസ്ഥാന സെക്രട്ടറിയേറ്റ് യോഗം ചേർന്നിരുന്നു.