മദ്യം നൽകിയില്ല; മദ്യഷോപ്പിന് തീയിട്ട് മധു

മദ്യം നൽകിയില്ലെന്നാരോപിച്ച് മദ്യഷോപ്പിന് തീയിട്ട് യുവാവ്. വിശാഖപ്പട്ടണത്താണ് സംഭവം. ഷോപ്പ് അടയ്ക്കുന്ന സമയത്ത് മദ്യം വാങ്ങാനെത്തിയ മധുവിനോട് ജീവനക്കാർ മദ്യമില്ലെന്ന് പറഞ്ഞതോടെയാണ് മധു അക്രമാസക്തനായത്.

ALSO READ: ക്ഷേത്രപ്രവേശന വിളംബരത്തിന്റെ വാർഷികാഘോഷം; വിവാദത്തിൽ വിശദീകരണം തേടും

മദ്യമില്ലെന്ന് പറഞ്ഞതോടെ ദേഷ്യത്തിലായ മധു ജീവനക്കാരോട് തട്ടിക്കയറുകയായിരുന്നു. ഇതോടെ ജീവനക്കാർ ഇയാൾക്ക് താക്കീത് നൽകി. പിന്നീട് മടങ്ങിവന്ന ഇയാൾ കയ്യിൽ കരുതിയ പെട്രോൾ ഷോപ്പിലേക്ക് ഒഴിക്കുകയും തീയിടുകയുമായിരുന്നു. ജീവനക്കാരുടെ ദേഹത്തേയ്ക്കും ഇയാൾ പെട്രോൾ ഒഴിച്ചു.

ALSO READ: വീണ്ടും ഡീപ് ഫേക്കിന് ഇരയായി രശ്‌മിക; രോഷത്തോടെ സൈബർ ലോകം

കടയ്ക്ക് തീപിടിച്ചതുകണ്ട ജീവനക്കാർ ഇറങ്ങിയോടിയതോടെ വലിയ ദുരന്തമാണ് ഒഴിവായത്. ഏകദേശം ഒന്നര ലക്ഷം രൂപ വിലവരുന്ന സാധനസാമഗ്രികൾ കത്തിനശിച്ചു. മദുരവാഡ പൊലീസ് സ്റ്റേഷൻ പരിധിയിലാണ് സംഭവം നടന്നത്. പ്രതി നിലവിൽ പൊലീസ് കസ്റ്റഡിയിലാണ്.