ഇൻസ്റ്റഗ്രാമിൽ അക്കൗണ്ട് എടുത്ത് അതിൽ മെട്രോയിൽ യാത്ര ചെയ്യുന്ന സ്ത്രൂകളുടെ ചിത്രം പോസ്റ്റു ചെയ്യുന്നയാൾ പൊലീസ് പിടിയിൽ. സ്ത്രീകളുടെ അനുവാദമില്ലാതെ അവരുടെ ഫോട്ടോ എടുക്കുകയും അത് ഇൻസ്റ്റഗ്രാമിൽ പോസ്റ്റ് ചെയ്തതിനും ദിഗ് നാഥ് എന്നയാളെയാണ് ബെംഗളൂരു പൊലീസ് അറസ്റ്റ് ചെയ്തത്.
നോർത്ത് ബെംഗളൂരുവിലെ ഥിഗാലാരപാല്യ എന്ന സ്ഥലത്ത് താമസിക്കുന്ന ഇയാൾ ജോലിക്കു പോകുന്നതിനായി എന്നും മെട്രോയിലാണ് സഞ്ചരിക്കുന്നത്. ഇയാൾ metro_chicks എന്ന പേരിൽ ഒരു ഇൻസ്റ്റഗ്രാം അക്കൗണ്ട് ആരംഭിച്ചതിനു ശേഷം അതിലാണ് ഇയാൾ സ്ത്രീകളുടെ ചിത്രങ്ങളും വീഡിയോകളും പോസ്റ്റ് ചെയ്തിരുന്നത്.
Also Read: കേരളത്തിൽ കാലവർഷമെത്തി; നേരത്തെ എത്തുന്നത് പതിനാല് വർഷങ്ങൾക്ക് ശേഷം
മെയ് 20 വരെ ഈ അക്കൗണ്ടിൽ 13 പോസ്റ്റുകളാണ് ഇട്ടിട്ടുള്ളത് 5900 ഫോളോവേഴ്സും ഈ അക്കൗണ്ടിന് ഉണ്ടായിരുന്നു. ഈ അക്കൗണ്ട് സോഷ്യൽ മീഡിയ ഉപയോക്താക്കളുടെ ശ്രദ്ധയിൽപെടുകയും ഇതിനെതിരെ നടപടി വേണമെന്ന് ആവശ്യപ്പെടുകയും ചെയ്യുകയുണ്ടായി. അങ്ങനെയാണ് പൊലീസ് വിഷയത്തിൽ അന്വേഷണം ആരംഭിക്കുകയും പ്രതിയെ പിടികൂടുകയും ചെയ്തത്.
ജോലിയുടെ ഭാഗമായി മെട്രോയിൽ സഞ്ചരിക്കുമ്പോഴാണ് ഇയാൾ സ്ത്രീകളുടെ ഫോട്ടോ എടുത്തിരുന്നത്. ഇൻസ്റ്റയിൽ പോസ്റ്റ് ചെയ്യുന്നതിനൊപ്പം ഇയാൾ ഈ ചിത്രങ്ങൾ ടെലിഗ്രാം ചാനലിലും പങ്കുവെച്ചിരുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
