മാമ്പഴക്കാലമായതുകൊണ്ടുതന്നെ പല തരത്തിലുള്ള വിഭവങ്ങളാണ് പാചകപ്രേമികൾ പരീക്ഷിച്ചുകൊണ്ടിരിക്കുന്നത്. സ്മൂത്തിയും പുഡിംഗുകളുമാണ് കൂടുതൽ പേരും വീടുകളിൽ തയ്യാറാക്കുന്നത്. എന്നാൽ മാമ്പഴം ഉപയോഗിച്ച് ഉഗ്രൻ ഫേസ് പായ്ക്കുകൾ തയ്യാറാക്കിയാലോ. സോഷ്യൽ മീഡിയയിൽ ഇപ്പോൾ മാമ്പഴം കൊണ്ടുള്ള ഫേസ് പായ്ക്കുകളാണ് വൈറലായി കൊണ്ടിരിക്കുന്നത്. വിറ്റാമിൻ സി, എ, ഇ, ബി6 എന്നിവയും ആന്റിഓക്സിഡന്റുകളും ധാരാളം അടങ്ങിയ മാമ്പഴം ചർമ്മസംരക്ഷണത്തിന് ഗുണം ചെയ്യുമെന്നാണ് ആരോഗ്യ വിദഗ്ദർ പറയുന്നത്.
മാമ്പഴം കൊണ്ട് ഫേസ് പായ്ക്ക് തയ്യാറാക്കുന്നത് എങ്ങനെയെന്ന് നോക്കാം
1. മാമ്പഴവും തൈരും: മാമ്പഴത്തിന്റെ പൾപ്പ് തൈരുമായി ചേർത്ത് ഒരു മിശ്രിതം ഉണ്ടാക്കുക. ഇത് മുഖത്ത് പുരട്ടി പതിനഞ്ച് മിനിറ്റ് കഴിഞ്ഞ് കഴുകിക്കളയുക. ചൂടുള്ള കാലാവസ്ഥയിൽ ചർമ്മത്തെ തണുപ്പും ഉന്മേഷവും നിലനിർത്തുന്നതിനൊപ്പം ചർമ്മത്തിലെ പാടുകൾ നീക്കം ചെയ്യാനും കറുപ്പ് നീക്കം ചെയ്യാനും ചർമ്മത്തിന് തിളക്കം നൽകാനും ഈ പായ്ക്ക് സഹായിക്കുമെന്നാണ് സോഷ്യൽ മീഡിയയിലെ അവകാശ വാദം.
also read:ആരോഗ്യത്തിന് ഗുണകരം നാരങ്ങ വെള്ളം; പക്ഷേ ശ്രദ്ധിക്കേണ്ട കാര്യങ്ങളും ഉണ്ട്
2. മാമ്പഴവും മഞ്ഞളും: മാമ്പഴത്തിന്റെ പൾപ്പ് ഒരു നുള്ള് മഞ്ഞളും അല്പം പാലും ചേർത്ത് പുരട്ടുക. നേർത്ത പാളിയായി പുരട്ടി പതിനഞ്ച് മിനിറ്റ് നേരം വയ്ക്കുക. ഈ പായ്ക്ക് പതിവായി ഉപയോഗിക്കുന്നതിലൂടെ തിളക്കം വർദ്ധിപ്പിക്കാനും പാടുകൾ കുറയ്ക്കാനും ചർമ്മത്തിന്റെ നിറം വർദ്ധിപ്പിക്കാനും സഹായിക്കുമെന്നാണ് സോഷ്യൽ മീഡിയ പറയുന്നത്.
3. മാമ്പഴവും കടലമാവും: മാമ്പഴത്തിന്റെ പൾപ്പ് കടലമാവിൽ അൽപം റോസ് വാട്ടറുമായി ചേർത്ത് കട്ടിയുള്ള പേസ്റ്റ് ഉണ്ടാക്കുക. ഇത് തുല്യമായി പുരട്ടി കഴുകുന്നതിനുമുമ്പ് ചെറുതായി ഉണങ്ങാൻ അനുവദിക്കുക. ഈ പായ്ക്ക് മുഖകാന്തി വർദ്ധിപ്പിക്കാൻ സഹായിക്കും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
