‘പിള്ളേര് പൊളിയല്ലേ’, തമിഴ്‌നാട്ടിൽ ധനുഷിൻ്റെ ക്യാപ്റ്റൻ മില്ലറെയും തോൽപിച്ച് മഞ്ഞുമ്മൽ ബോയ്‌സ്, ഇനി മുന്നിൽ ശിവകാർത്തികേയൻ മാത്രം

തമിഴ് സിനിമാ ലോകത്തെ മലയാള സിനിമയുടെ സർവകാല റെക്കോർഡുകൾ തകർത്ത് മഞ്ഞുമ്മൽ ബോയ്സിന്റെ മുന്നേറ്റം. ഇറങ്ങി ആഴ്ചകൾക്കകം തന്നെ രജനികാന്ത് ചിത്രം ലാൽ സലാമിന്റെ കളക്ഷൻ മറികടന്ന ചിത്രം ഇപ്പോൾ ധനുഷിന്റെ ക്യാപ്റ്റൻ മില്ലറിന്റെ റെക്കോർഡും തകർത്തിരിക്കുകയാണ്. പുതിയ റിപ്പോർട്ടുകൾ പ്രകാരം മഞ്ഞുമ്മൽ ബോയ്‌സ് തമിഴിലെ ഈ വർഷത്തെ ഏറ്റവുമധികം കളക്ഷൻ നേടിയ രണ്ടാമത്തെ ചിത്രമായി മാറിയിരിക്കുന്നു.

ALSO READ: മുരുകനും, സ്റ്റീഫനും വീണു, ഇനി ഇൻഡസ്ട്രി മഞ്ഞുമ്മലെ പിള്ളേര് ഭരിക്കും, കളക്ഷൻ പുറത്ത്: ‘കണ്ണ് തുറന്ന് കാണൂ ജയമോഹാ’, എന്ന് മലയാളികൾ

മലയാള സിനിമാ ഇന്ഡസ്ട്രിയിലാകട്ടെ എത്തിപ്പിടിക്കാൻ ഇനി 2018 എന്ന സിനിമയുടെ റെക്കോർഡ് മാത്രമേ മഞ്ഞുമ്മൽ ബോയ്‌സിനുള്ളൂ. എന്ന് കണക്കുകൾ വ്യക്തമാക്കുന്നു. റിലീസ് ചെയ്ത് 17 ദിവസം വരെയുള്ള കണക്ക് പ്രകാരം 146.60കോടിയാണ് മഞ്ഞുമ്മൽ ബോയ്സ് നേടിയിരിക്കുന്നത്. കേരളത്തിൽ 49.50കോടി, രാജ്യത്തിന്റെ വിവിധ ഭാ​ഗങ്ങളിൽ നിന്നും 43.10കോടി, ഓവർസീസ് 54 കോടി എന്നിങ്ങനെയാണ് ഈ കണക്ക്.

ALSO READ: ‘മരുഭൂമിയിൽ നിന്ന് രക്ഷപ്പെടുമ്പോൾ നജീബ് ഈ രൂപത്തിലായിരുന്നു’, എന്തൊരു ട്രാൻസ്ഫോർമേഷൻ: സോഷ്യൽ മീഡിയ ഞെട്ടിയ പൃഥ്വിയുടെ ചിത്രം

അതേസമയം, മഞ്ഞുമ്മൽ ബോയ്‌സിനെ അധിക്ഷേപിച്ച് രംഗത്തെത്തിയ എഴുത്തുകാരൻ ജയമോഹന് നേരെ വലിയ വിമർശനങ്ങളാണ് ഉടലെടുക്കുന്നത്. കണ്ണ് തുറന്ന് കാണെടോ ജയമോഹാ ഈ നേട്ടങ്ങൾ എന്നാണ് പലരും ഫേസ്ബുക്കിലും മറ്റും വരുന്ന പോസ്റ്റുകൾക്ക് കമന്റായി രേഖപ്പെടുത്തുന്നത്.