മനോരമ കോൺഗ്രസുകാരെ ഒരറ്റത്തു നിന്നും വെളുപ്പിച്ച് തുടങ്ങുകയായിരുന്നു. എന്നാൽ അത് വലിയ തിരിച്ചടിയിലേക്കാണ് ഇന്ന് മനോരമയെ എത്തിച്ചത്. രാഹുൽ മാങ്കൂട്ടത്തിലിനെ വെളുപ്പിക്കാൻ മനോരമ ഒരു വാർത്ത വച്ചു. വയനാട്ടിലെ വീടുകൾ എവിടെയെന്ന് ചോദിക്കേണ്ടുന്നത് സർക്കാരിനോടാണെന്നായിരുന്നു വാർത്തയുടെ തലക്കെട്ട്. രാഹുൽ മാങ്കൂട്ടത്തിൽ ഫേസ്ബുക്കിൽ എഴുതിയ ഒരു കുറിപ്പെന്നല്ലാതെ മറ്റൊരു പ്രാധാന്യവും ഈ വാർത്തയ്ക്കോ കുറിപ്പിനോ ഇല്ല.
എന്നാൽ മനോരമ അത് രണ്ട് കോളം വാർത്തയാക്കി. പക്ഷെ അമിളി പറ്റിയത് അവിടെയായിരുന്നില്ല. അതിൻ്റെ തൊട്ട് താഴെ ഭ്രൂണം കണ്ടെത്തിയ വാർത്തയും നൽകി. വായനക്കാരന് സംഭവം പിടികിട്ടി. വെളുപ്പിക്കാൻ ശ്രമിച്ച് കൂടുതൽ കുഴപ്പത്തിലാവുകയാണ് ചെയ്തത്.
പീഢനവും നിർബന്ധിത ഗർഭച്ഛിദ്രവുമുൾപ്പെടെ നടത്തി റിമാൻഡിൽ കഴിഞ്ഞ രാഹുലിൻ്റെ വാർത്തയ്ക്ക് കീഴിൽ തന്നെ ആറുമാസം പ്രായമുള്ള ഭ്രൂണത്തെ കണ്ടെത്തിയതായും വാർത്ത. ഇങ്ങനെ രണ്ട് വാർത്തകൾ പ്ലേസ് ചെയ്യാൻ ഇതിലും മികച്ച സ്ഥലമില്ലെന്നാണ് സമൂഹമാധ്യമത്തിൽ ജനങ്ങൾ പറയുന്നത്. വാർത്തയേയും രാഹുലിനേയും ട്രോളി ജനങ്ങൾ രംഗത്ത് വരുകയും ചെയ്തു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
