ഏകീകരണത്തിലേക്ക് നീങ്ങി ഇന്ത്യൻ ഓഹരി വിപണി: ബജറ്റും മൂന്നാം പാദ ഫലങ്ങളും നിർണായകം

അടുത്ത ആഴ്ച ഇന്ത്യൻ ഓഹരി വിപണി വലിയ ഉയർച്ച താഴ്ചകൾക്ക് വേദിയാകാൻ വലിയ സാധ്യതകൾ കാണുന്നില്ല. നിക്ഷേപക മനോഭാവം നിലവിൽ ദുർബലമായി തുടരുന്ന സാഹചര്യത്തിൽ, ഫെബ്രുവരിയിൽ അവതരിപ്പിക്കാനിരിക്കുന്ന കേന്ദ്ര ബജറ്റ് വിപണിക്ക് നിർണായകമാകും. ബജറ്റിൽ ചില തിരുത്തലുകൾ ഉണ്ടായാൽ വിദേശ നിക്ഷേപകരുടെ വിറ്റഴിക്കലിന് താൽക്കാലിക ഇടവേള ലഭിക്കുമെന്ന പ്രതീക്ഷയും ഉയരുന്നുണ്ട്.

ഇന്ത്യ-യുഎസ് വ്യാപാര കരാറുമായി ബന്ധപ്പെട്ട അനിശ്ചിതത്വങ്ങളും, ഡിസംബർ പാദത്തിലെ കമ്പനികളുടെ സാമ്പത്തിക ഫലങ്ങളും അടുത്ത കാലയളവിൽ വിപണിയുടെ ദിശ നിശ്ചയിക്കും. തുടർച്ചയായ രണ്ട് ദിവസത്തെ ഇടിവിന് ശേഷം നിഫ്റ്റി ചെറിയ നേട്ടത്തോടെ ക്ലോസ് ചെയ്‌തു. എൻഎസ്ഇ ക്യാഷ് ടേൺഓവർ മുൻ സെഷനുമായി താരതമ്യം ചെയ്യുമ്പോൾ ഉയർന്നതും ശ്രദ്ധേയമാണ്.

നിഫ്റ്റി നിലവിൽ 25,400 മുതൽ 25,900 വരെയുള്ള പരിധിയിൽ ഓടാനാണ് സാധ്യത. ഈ പരിധിക്ക് പുറത്തേക്ക് വ്യക്തമായ ബ്രേക്ക്‌ഔട്ട് ഉണ്ടായാൽ മാത്രമേ അടുത്ത ദിശ വ്യക്തമാകൂ. അതേസമയം, 26,000ന് മുകളിലേക്ക് ശക്തമായ നീക്കം ഉണ്ടെങ്കിൽ ഷോർട്ട് കവർിംഗ് റാലിക്ക് സാധ്യതയുണ്ടെന്നും അനലിസ്റ്റുകൾ ചൂണ്ടിക്കാട്ടുന്നു.യൂറോപ്യൻ വിപണികളിലെ മിശ്ര പ്രവണതയും, വിദേശ നിക്ഷേപകർ വിറ്റഴിക്കൽ തുടരുന്നതും വിപണിയെ വലിയ നേട്ടം ഉണ്ടാക്കുന്നതിനു തടസ്സം ആകും.