വിദ്യാഭ്യാസ രംഗത്തെ സമഗ്ര സംഭാവനയ്ക്ക് ഗുരുരത്നം പുരസ്‌കാരം ഏർപ്പെടുത്തി എംജിഎം ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് . ഡോ. അച്യുത് ശങ്കർ എസ്‌ . നായർ , ഡോ . ജി .അമൃത് കുമാർ എന്നിവർക്കാണ് പുരസ്‌കാരം ഏർപ്പെടുത്തിയത്. ഒരു ലക്ഷം രൂപയും പ്രശസ്തിപത്രവും ഫലകവുമാണ് അവാർഡ്. കേരളത്തിലെ വിദ്യാഭ്യാസമേഖലയിൽ എഞ്ചിനീയറിംഗ് , ഫാർമസി , പോളിടെക്‌നിക്, ആർട്സ് ആൻഡ് സയൻസ് എന്നിവയിൽ 10 പ്രൊഫഷണൽ കോളേജുകളും 12 സ്‌കൂളുകളുമായി ഗീവർഗീസ് യോഹന്നാൻ ചാരിറ്റബിൾ ട്രസ്റ്റിന് കീഴിൽ മുപ്പതിലധികം വർഷങ്ങളായി മികച്ച വിജയ പ്രവർത്തനങ്ങൾ നടത്തിവരുന്ന എംജിഎം ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് വിദ്യാഭ്യാസ. മേഖലയിൽ വ്യക്തിമുദ്ര പതിപ്പിച്ചവർക്കായി ഈ വർഷം മുതലാണ് ഗുരുരത്നം പുരസ്‌കാരം ഏർപ്പെടുത്താൻ തീരുമാനമായത്.
എംജി സർവകലാശാല മുൻ വൈസ് ചാൻസലർ ഡോ . സിറിയക് തോമസ്, എംജിഎം ഗ്രൂപ്പ് ചെയർമാൻ ഡോ . ഗീവർഗീസ് യോഹന്നാൻ, മുൻ ഡിജിപി ജേക്കബ് പുന്നൂസ് , കേരള സാങ്കേതിക സർവകലാശാല മുൻ വൈസ് ചാൻസലർ ഡോ . കുഞ്ചെറിയ പി. ഐസക് , കേരള സെൻട്രൽ യൂണിവേഴ്സിറ്റി മുൻ വൈസ് ചാൻസലർ പ്രൊഫ: ഡോ . ജി.ഗോപകുമാർ , എംജിഎം ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് ചീഫ് എക്സിക്യൂട്ടീവ് സെക്രട്ടറി ഗോപിനാഥ് മഠത്തിൽ എന്നിവർ അംഗങ്ങളായ കമ്മിറ്റിയാണ് പുരസ്‌കാരം നിർണയിച്ചത്.
എഞ്ചിനീയറിങ്ങിലും സംഗീതത്തിലും പി എച്ച് ഡി ബിരുദം , സി ഡിറ്റ് ഡയറക്ടർ , കേരള സർവകലാശാല ബയോ ഇൻഫോർമാറ്റിക്സ് ഡയറക്ടർ , ഉന്നത വിദ്യാഭ്യാസ കൌൺസിൽ അംഗം തുടങ്ങിയ പദവികൾ വഹിക്കുകയും ഇരുപതോളം പുസ്തകങ്ങൾ രചിക്കുകയും ചെയ്തിട്ടുള്ള ഡോ. അച്യുത് ശങ്കർ എസ്‌ .നായർക്ക് 36 വർഷത്തെ അധ്യയന ഗവേഷണ പാരമ്പര്യമുണ്ട് . ഇപ്പോൾ കേരള സെൻട്രൽ യൂണിവേഴ്സിറ്റി ഡീനും പ്രൊഫസറുമായി ഔദ്യോഗിക പദവിയിലിരിക്കുന്ന അമൃത് കുമാർ പോണ്ടിച്ചേരി യൂണിവേഴ്സിറ്റിയിൽ അസിസ്റ്റന്റ് പ്രൊഫസറായിരിക്കെ തുടർച്ചയായി നാല്‌ തവണ മികച്ച അധ്യാപകനുള്ള പുരസ്‌കാരം നേടിയിട്ടുണ്ട്. കേന്ദ്ര-സംസ്ഥാന ഗവണ്‍മെന്റുകളുടെ വിവിധ കമ്മിറ്റികളില്‍ അംഗമായും ദേശീയ ദിനപത്രങ്ങളില്‍ കോളമിസ്റ്റായി പ്രവർത്തിക്കുകയും തന്റെ പഠനങ്ങളിലൂടെയും ഗവേഷണങ്ങളിലൂടെയും അധ്യാപകരെയും വിദ്യാര്‍ത്ഥികളെയും ശാക്തീകരിക്കുന്നതിനായി സമൂഹ ബോധന രീതി ശാസ്ത്രത്തിലധിഷ്ഠിതമായ ഇടപെടലുകളിലൂടെ ശ്രമിച്ചുകൊണ്ടിരിക്കുകയും ചെയ്യുന്നയാളാണ് ഡോക്ടർ ജി.അമൃത് കുമാർ.
ഡോ .സിറിയക് തോമസ്, ഡോ. ഗീവർഗീസ് യോഹന്നാൻ, പ്രൊഫ: ഡോ .ജി .ഗോപകുമാർ , ഗോപിനാഥ് മഠത്തിൽ എന്നിവർ പത്രസമ്മേളനത്തിൽ പങ്കെടുത്തു . പുരസ്‌കാരം ഫെബ്രുവരി 10 ന് രാവിലെ 11 മണിക്ക് ആക്കുളം എംജിഎം പബ്ലിക് സ്കൂളിൽ നടക്കുന്ന ചടങ്ങിൽ പശ്ചിമബംഗാൾ ഗവർണ്ണർ സി.വി.ആനന്ദബോസ് സമ്മാനിക്കും
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
