സംസ്ഥാന മൃഗ സംരക്ഷണ ക്ഷീര വികസന വകുപ്പ് മന്ത്രി ജെ.ചിഞ്ചുറാണി, കേന്ദ്ര ക്ഷീര വികസന ഫിഷറീസ് സഹമന്ത്രി ജോര്‍ജ്ജ് കുര്യനുമായി കൃഷിഭവനില്‍ കൂടിക്കാഴ്ച്ച നടത്തി.
മൃഗ സംരക്ഷണ ക്ഷീരമേഖലയിലെ കേരളത്തിന്റെ വിവിധ ആവശ്യങ്ങള്‍ സംബന്ധിച്ച നിവേദനം മന്ത്രി ജെ.ചിഞ്ചുറാണി കേന്ദ്ര മൃഗ സംരക്ഷണ വികസന ഫിഷറീസ് സഹമന്ത്രി ജോര്‍ജ്ജ് കുര്യന് നല്‍കി.
2002 മുതല്‍ പക്ഷിപ്പനി , ആഫ്രിക്കന്‍ പന്നി പനി എന്നീ രോഗങ്ങള്‍ ബാധിച്ച് മരണപ്പെട്ട കോഴി, താറാവ്, പന്നി തുടങ്ങിയവയുടെ ഉടമസ്ഥരായ കര്‍ഷകര്‍ക്ക് നല്‍കുവാനുള്ള നഷ്ടപരിഹാര തുകയായ 6 കോടി 63 ലക്ഷം രൂപ അനുവദിച്ച് തരണമെന്ന് മന്ത്രി ജെ.ചിഞ്ചുറാണി കേന്ദ്ര സഹമന്ത്രിയോട് ആവശ്യപ്പെട്ടു. പ്രസ്തുത തുക അനുവദിച്ചു തരാനുള്ള നടപടികള്‍ സ്വീകരിക്കാമെന്ന് മന്ത്രി ഉറപ്പുനല്‍കി.
Also read- ദേശീയപാത വികസന അതോറിറ്റിയുടെ റീജിണല്‍ ഓഫീസറുമായി ചര്‍ച്ച നടത്തി മന്ത്രി മുഹമ്മദ് റിയാസ്
ജന്തുജന്യ രോഗങ്ങള്‍ സ്ഥിരീകരിക്കുന്ന സംസ്ഥാനത്തെ ലബോറട്ടറിയായ പാലോടുള്ള സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് അനിമല്‍ ഡിസീസിന്റെയും മറ്റു ജന്തുരോഗ നിര്‍ണ്ണയ ലബോറട്ടറികള്‍ക്കുള്ള കേന്ദ്രധനസഹായവും അതുപോലെ രോഗപ്രതിരോധത്തിന് ആവശ്യമായിട്ടുള്ള സംസ്ഥാനത്തെ ചെക്ക് പോസ്റ്റുകളുടെ ശാക്തീകരണത്തിന് ആവശ്യമായിട്ടുള്ള യൂണിറ്റ് കോസ്റ്റ് ഉയര്‍ത്തി നല്‍കുന്ന കാര്യവും പരിഗണിക്കണമെന്നും മന്ത്രി ആവശ്യപ്പെട്ടു.
നാഷണല്‍ ലൈവ് സ്റ്റോക്ക് മിഷന്റെ കീഴില്‍ കന്നുകാലികളെ ഇന്‍സ്റ്റാള്‍ ചെയ്യുന്നതിനായി ആവശ്യമായ കേന്ദ്ര സഹായം അനുവദിച്ച് തരണമെന്നും മന്ത്രി ചിഞ്ചുറാണി ആവശ്യപ്പെട്ടു.സംസ്ഥാനത്തെ ആട്, പന്നി വികസനത്തിനായി നാഷണല്‍ ലൈവ് സ്റ്റോക്ക് മിഷന്‍ 2025-26 സാമ്പത്തിക വര്‍ഷത്തില്‍ സംസ്ഥാന സര്‍ക്കാര്‍ ആവശ്യപ്പെട്ട തുക ലഭ്യമാക്കുന്നതിനുള്ള നടപടികള്‍ സ്വീകരിക്കണമെന്നും മന്ത്രി ആവശ്യപ്പെട്ടു. കേരളത്തിന്റെ ആവശ്യങ്ങളോട് അനുഭാവപൂര്‍വ്വമാണ് കേന്ദ്രമന്ത്രി പ്രതികരിച്ചതെന്ന് മന്ത്രി ചിഞ്ചുറാണി വാര്‍ത്താ സമ്മേളനത്തില്‍ അറിയിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
