ധനമന്ത്രി കെ എന്‍ ബാലഗോപാലിനെ അഭിനന്ദിച്ച് മന്ത്രി പി രാജീവ്. ജനങ്ങള്‍ക്ക് സന്തോഷകരമായ ഓണമാണ് ഇത്തവണത്തേതെന്നും പ്രതിസന്ധികള്‍ക്കിടയിലും ധനവകുപ്പ് മികച്ച രീതിയിലാണ് കാര്യങ്ങള്‍ കൈകാര്യം ചെയ്യുന്നതെന്നും മന്ത്രി പറഞ്ഞു.
ഓണാഘോഷം എങ്ങനെയുണ്ടെന്നറിയാന്‍ നിരത്തിലിറങ്ങി നോക്കണം. ഓണാഘോഷത്തെ എതിര്‍ക്കുന്ന മാധ്യമങ്ങള്‍ തന്നെ അഭിനന്ദിച്ച് എഴുതുന്നുണ്ട്. കിറ്റ് വിതരണത്തില്‍ അടക്കം ആളുകള്‍ സന്തോഷത്തിലാണ്. പ്രതിപക്ഷ നേതാവിനും കൂട്ടര്‍ക്കും കിറ്റ് വിതരണം നടത്തരുതെന്ന് ആഗ്രഹമുണ്ടാകാമെന്നും മന്ത്രി പറഞ്ഞു.
മികച്ച രീതിയില്‍ തന്നെയാണ് സര്‍ക്കാര്‍ കാര്യങ്ങള്‍ കൈകാര്യം ചെയ്തിരിക്കുന്നത്. ധനവകുപ്പിന്റെ ഇടപെടലും എടുത്തുപറയണം. പ്രതിസന്ധി ഘട്ടത്തിലും ശാസ്ത്രീയമായ ഇടപെടല്‍ നടത്തിയ ധനമന്ത്രി അഭിനന്ദനമര്‍ഹിക്കുന്നുണ്ട്. ജനങ്ങള്‍ക്ക് സന്തോഷം വേണ്ട എന്ന് കരുതുന്നവര്‍ക്കാണ് ഇത് സങ്കടകരമായ ഓണമെന്നും മന്ത്രി കൂട്ടിച്ചേര്‍ത്തു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
