വാസവൻ എന്ന അപൂര്‍വമായ പേര്; പേരിന് പിന്നിലെ കഥ മീനാക്ഷിയുമായി പങ്കിട്ട് മന്ത്രി വി എൻ വാസവൻ

ഈ വി എൻ വാസവൻ എന്നുള്ള ഈ പേര് ഞാൻ അങ്ങനെ അധികം ആരിലും കേട്ടിട്ടില്ല, പണ്ട് എല്ലാവർക്കും എപ്പോഴും കേൾക്കുന്ന പേരുകളൊക്കെയാണ് കൂടുതലും ഇടുക. അപ്പോ അങ്കളിന് മാത്രം ഒരു വെറൈറ്റി പേരല്ലേ? ആ സമയത്ത് കുട്ടികളൊക്കെ ഇങ്ങനെ എടുത്തു പറയുകയോ അങ്ങനെ എന്തെങ്കിലും ഒക്കെ ഉണ്ടായിട്ടുണ്ടോ എന്ന മീനാക്ഷി അനൂപിന്റെ ചോദ്യത്തിന് ഒരു ചിരിയോടെ മറുപടി പറഞ്ഞ് മന്ത്രി വിഎൻ വാസവൻ.

Also read : സംസ്ഥാനത്ത് എല്ലാവർക്കും ഇനി ആരോഗ്യ പരിരക്ഷ: ഇൻഷുറൻസ് ഇല്ലാത്തവർക്കും സൗജന്യ ചികിത്സാ പദ്ധതി

അത് താൻ ഓർമ്മ വെക്കുന്നതിനു മുമ്പ് ഇട്ട പേരാണെന്നും. സ്വാഭാവികമായിട്ടും തന്റെ അച്ഛനും അമ്മയുമാണ് ആ പേര് ഇട്ടിട്ടുള്ളത്. അവർ വിശ്വാസികളായിരുന്നു എന്ന് തോന്നുന്നു, വാസവൻ എന്ന പേരിന്റെ അർത്ഥം ദേവേന്ദ്രൻ എന്നാണ്, അങ്ങനെ ആയിരിക്കണം അവർ ഈ പേരിട്ടതെന്ന് മന്ത്രിയുടെ മറുപടി. എന്നാൽ ഈ പേര് ഇഷ്ടമാണോ എന്നായി മീനാക്ഷിയുടെ അടുത്ത ചോദ്യം. അത് പേര് ഏതായിരുന്നാലും നമുക്ക് കിട്ടിക്കഴിഞ്ഞാൽ പിന്നെ അത് സ്വാഭാവികമായിട്ട് നമ്മൾ ആസ്വദിക്കുമല്ലോ എന്ന ഉത്തരവും മന്ത്രി ചെറു പുഞ്ചിരിയോടെ നൽകി.