മഴ കനക്കുകയാണ്. മഴക്കാലത്ത് വാഹനാപകടങ്ങൾ വർദ്ധിക്കാനുള്ള സാധ്യതയും വളരെ കൂടുതലാണ്. റോഡിലിറങ്ങുമ്പോൾ അതീവ ശ്രദ്ധ പുലർത്തേണ്ടുന്ന സമയമാണിത്. ഒരു നിമിഷം കൊണ്ടുള്ള നമ്മുടെ അശ്രദ്ധയും അറിവില്ലായ്മയുമാണ് പലപ്പോഴും അപകടങ്ങൾക്ക് കാരണമാകുന്നത്. വാഹനമോടിക്കുമ്പോൾ ഈ തെറ്റുകൾ ആവർത്തിക്കാതിരുന്നാൽ മതി. അപകടങ്ങളെ പേടിക്കേണ്ടതില്ല.
വൈപ്പർ കാര്യക്ഷമമായി പ്രവർത്തിക്കുന്നില്ലെങ്കിൽ അപകടത്തിന് കാരണമാകും. വൈപ്പറിലെ തേഞ്ഞു തീർന്ന റബ്ബർ മാറ്റിയാൽ കാഴ്ച കൂടുതൽ ക്ലിയറാവും. വൈപ്പറിന്റെ കാര്യത്തിൽ മാത്രം ശ്രദ്ധ വച്ചാൽ പോരാ, ടയറിലെ എയർ പ്രഷറും ഗ്രൂവുകളും കൃത്യമാണെന്ന് ഉറപ്പാക്കണം. റോഡും ടയറും തമ്മിലുള്ള ഘർഷണം കുറയ്ക്കുന്ന വെള്ളത്തിന്റെ സാന്നിധ്യം മൂലം ബ്രേക്ക് ചവിട്ടുമ്പോൾ വാഹനം പാളി പോകാൻ സാധ്യതയുണ്ട്.
ALSO READ; നമ്പർപ്ലേറ്റ് ഇല്ലാതെ വാഹനം ഓടിക്കാമോ? ഇന്ത്യയിൽ ഈ മൂന്ന് വിഭാഗങ്ങൾക്ക് മാത്രം പ്രത്യേക അനുമതി
കാറ്റില്ലാത്ത ടയറുകൾ വാഹനത്തിന്റെ ഗ്രിപ്പ് കുറച്ച് അപകടത്തിന് കാരണമാകുന്നു. ബ്രേക്കിംഗ് ഡിസ്റ്റൻസ് ഇരട്ടിയാക്കേണ്ടതുണ്ട്, ഇതിനൊപ്പം തന്നെ പെട്ടെന്ന് ബ്രേക്കിടുന്നതും ഒഴിവാക്കുക. റണ്ണിംഗ് കണ്ടീഷനിൽ ഹസാർഡ് ലൈറ്റുകൾ ഉപയോഗിക്കരുത് ലോ ബാം ഹെഡ് ലൈറ്റും ഡീഫോഗറും ഉപയോഗിക്കാൻ എപ്പോഴും ശ്രദ്ധിക്കണം.
വെള്ളവും വാഹനങ്ങളിൽ നിന്നുള്ള ഗ്രീസും വീണ് കുതിർന്ന് കിടക്കുന്ന റോഡുകളിൽ വഴുക്കലുണ്ടാവാം. ഇത് വാഹനത്തിന്റെ നിയന്ത്രണം നഷ്ടപ്പെട്ട അപകടത്തിലേക്ക് നയിക്കുന്നു. വേഗത കുറച്ച് വാഹനമോടിച്ചാൽ ഈ സാഹചര്യത്തിൽ അപകടം പരമാവധി കുറയ്ക്കാൻ സാധിക്കും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
