മോട്ടോര് വാഹന അപകടക്കേസുകളില് നിര്ണയാക വിധിയുമായി സുപ്രീംകോടതി. അലക്ഷ്യമായി വാഹനം ഓടിച്ച വ്യക്തി അപകടത്തില് മരിച്ചാല് ഇന്ഷുറന്സ് തുക നല്കാന് കമ്പനിക്ക് ബാധ്യതയില്ലന്നാണ് നിര്ണായക ഉത്തരവ്. അമിത വേഗം, സ്റ്റണ്ട് പ്രകടനം, ഗതാഗത നിയമങ്ങള് ലംഘിക്കല് തുടങ്ങിയ ഡ്രൈവറുടെ സ്വന്തം തെറ്റ് കാരണം അപകടം സംഭവിച്ചാല് മരിച്ചയാളുടെ കുടുംബത്തിന് നഷ്ടപരിഹാരം നല്കാന് കമ്പനിയെ നിര്ബന്ധിക്കാനാവില്ലന്ന് ജസ്റ്റിസുമാരായ പി എസ് നരസിംഹ, ആര് മഹാദേവന് എന്നിവരുടെ ബെഞ്ച് വ്യക്തമാക്കി.
ALSO READ: ചരിത്രം കുറിച്ച് ദീപിക പദുക്കോണ്; ഹോളിവുഡ് വാക്ക് ഓഫ് ഫെയിമില് ആദരിക്കപ്പെടുന്ന ആദ്യ ഇന്ത്യന് നടി
2014ല് ഉണ്ടായ അപകടത്തില് മരിച്ച കര്ണാടക സ്വദേശി എന് എസ് രവീഷിന്റെ ഭാര്യ നല്കിയ അപ്പീല് തള്ളിയാണ് വിധി. ബാഹൃ ഇടപെടലില്ലാതെ ഡ്രൈവറുടെ തെറ്റ് മൂലം മാത്രമാണ് അപകടമെങ്കില് നഷ്ടപരിഹാരത്തിന് അര്ഹതയില്ലന്ന് ഉത്തരവില് പറയുന്നു. സമാന ആവശ്യവുമായി മോട്ടോര് ആക്സിഡന്റ്സ് ക്ലെയിംസ് ട്രൈബ്യൂണലിനെയും കര്ണാടക ഹൈക്കോടതിയേയും കുടുംബം സമീപിച്ചുവെങ്കിലും ഹര്ജി തള്ളിയിരുന്നു. തുടര്ന്നാണ് സുപ്രീംകോടതിയില് അപ്പീല് നല്കിയത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
