ദുബായില് വീണ്ടും ഡ്രോണ് ആക്രമണശ്രമം, അല് ബദാ മേഖയിലെ ആക്രമണത്തെ ശക്തമായി പ്രതിരോധിച്ച് സുരക്ഷാ സേന. തകര്ത്ത ഡ്രോണിന്റെ അവശിഷ്ടങ്ങള് ഷെയ്ഖ് സായിദ് റോഡിലുള്ള ഒരു കെട്ടിടത്തിന്റെ പുറംഭാഗത്ത് വീണു. ആര്ക്കും പരുക്ക് രേഖപ്പെടുത്തിയിട്ടില്ല. ഇന്ന് പുലച്ചെ ഉണ്ടായ ആക്രമണത്തില് ദുബായ് ക്രീക്ക് ഹാര്ബര് കെട്ടിടത്തില് ഡ്രോണ് പതിച്ചു. സ്ഥലത്ത് ചെറിയ തീപിടുത്തമുണ്ടായെങ്കിലും ഉടന് തന്നെ ആളുകളെ കെട്ടിടത്തില് നിന്ന് ഒഴിപ്പിച്ചതിനാൽ ആളപായമുണ്ടായില്ല.
അതേ സമയം ബഹ്റൈനില് വീണ്ടും ഡോണ് ആക്രമണ നടന്നു. മുഹറക്ക്, ഗലാലി,സനദ്, സിത്ര മേഖലകളിലാണ് ആക്രമണമുണ്ടായത്. മുഹറക്ക്, ഗലാലി, സനദ് എന്നിവ ജനവാസ മേഖലകളാണ്. വ്യവസായ മേഖലയും ജനവാസ മേഖലയും ഉള്പ്പെടുന്ന പ്രദേശമാണ് സിത്ര. രണ്ട് ദിവസം മുമ്പും സിത്രയില് ആക്രമണം ഉണ്ടായി. ബഹ്റൈനില് മുഹറഖ് ഗവര്ണറേറ്റിലെ ഇന്ധന ടാങ്കുകള് ലക്ഷ്യമാക്കിയും ഇന്ന് പുലര്ച്ചെ ഇറാന് ആക്രമണം നടത്തി. സുരക്ഷാ സേനാംഗങ്ങള് അടിയന്തര നടപടി സ്വീകരിച്ചതായും നാശനഷ്ടങ്ങള് തടയാന് കഴിഞ്ഞതായും ആഭ്യന്തര മന്ത്രാലയം അറിയിച്ചു. ആക്രമണത്തെ തുടര്ന്ന് അല്-ഹിദ്ദ്, ആറാദ്, ഗലാലി, സമാഹീജ് എന്നിവിടങ്ങളില് ജാഗ്രതാ നിര്ദേശം പുറപ്പെടുവിച്ചു.
Also read : ദുബായിൽ ആക്രമണശ്രമം; ക്രീക്ക് ഹാർബർ കെട്ടിടത്തിൽ ഡ്രോൺ പതിച്ചു
കുവൈറ്റ് അന്താരാഷ്ട്ര വിമാനത്താവളത്തിന് നേരെ ഡ്രോണ് ആക്രമണംനടന്നു. പല തവണ ഡ്രോണ് ആക്രമണ ശ്രമം നടന്നെന്ന് സിവില് ഏവിയേഷന് ഡയറക്ടറേറ്റ് റിപ്പോർട്ട് ചെയ്തു. ചെറിയ നാശനഷ്ടം ഉണ്ടായെങ്കിലും ആര്ക്കും പരുക്ക് രേഖപ്പെടുത്തിയിട്ടില്ലെന്ന് അധികൃതർ അറിയിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
