സ്വകാര്യ വീഡിയോ പുറത്തുവിടുമെന്ന് ഭീഷണി, തട്ടിയെടുത്തത് കോടികളും ആഡംബര കാറും; മുംബൈയിൽ ചാർട്ടേഡ് അക്കൗണ്ടന്റ് ആത്മഹത്യ ചെയ്തു

മൂന്ന് കോടിയിലധികം രൂപ നൽകണമെന്ന് ആവശ്യപ്പെട്ട് ഭീഷണിപ്പെടുത്തിയതിനെ തുടർന്ന് മുംബൈയിൽ 32 കാരനായ ചാർട്ടേഡ് അക്കൗണ്ടന്റ് ആത്മഹത്യ ചെയ്തു. രാജ് ലീല മോർ ആണ് വിഷം കഴിച്ച് ജീവനൊടുക്കിയത്. സ്വകാര്യ വീഡിയോ പുറത്തു വിടാതിരിക്കാൻ കഴിഞ്ഞ കുറച്ച് മാസങ്ങളായി മൂന്ന് കോടിയിലധികം രൂപ നൽകണമെന്ന് ഭീഷണിപ്പെടുത്തിയിരുന്നു. ഇവരാണ് മരണത്തിനു കാരണമെന്ന് ഇദ്ദേഹം മൂന്ന് പേജുള്ള ആത്മഹത്യാക്കുറിപ്പിലും പറയുന്നുണ്ട്.

വീഡിയോ പ്രചരിപ്പിക്കുമെന്ന് ഭീഷണിപ്പെടുത്തി രാഹുൽ പർവാനി, സബ ഖുറേഷി എന്നിവർ കഴിഞ്ഞ 18 മാസത്തിനിടെ മോറിൽ നിന്ന് കോടിക്കണക്കിന് പണം തട്ടിയതായി കുറിപ്പിൽ പരാമർശിച്ചിട്ടുണ്ട്. ഓഹരി വിപണിയിലെ മോറിന്റെ വൻ നിക്ഷേപങ്ങളെക്കുറിച്ചും ചാർട്ടേഡ് അക്കൗണ്ടന്റ് എന്ന നിലയിൽ ഉയർന്ന ശമ്പളമുള്ള ജോലിയെക്കുറിച്ചും പ്രതികൾക്ക് അറിയാമായിരുന്നുവെന്ന് ഉദ്യോഗസ്ഥർ പറഞ്ഞു. ഭീഷണിയോടെ, മോറിനെ അദ്ദേഹത്തിന്റെ കമ്പനിയുടെ അക്കൗണ്ടിൽ നിന്ന് വലിയൊരു തുക അവരുടെ സ്വകാര്യ അക്കൗണ്ടുകളിലേക്ക് മാറ്റാൻ അവർ നിർബന്ധിച്ചു.

ALSO READ: ‘നമസ്‌തേ തുര്‍ക്കി’; പൊതുനിരത്തിൽ സാരിയുടുത്ത് റഷ്യന്‍ യുവതി; വീഡിയോയ്ക്ക് വരുന്ന കമന്റുകൾ കണ്ടോ

പ്രതികൾ രണ്ടുപേരും ഇയാളിൽ നിന്ന് ഒരു ആഡംബര കാർ പോലും ബലമായി പിടിച്ചുപറിച്ചുവെന്ന് ഉദ്യോഗസ്ഥർ കൂട്ടിച്ചേർത്തു. കഴിഞ്ഞ കുറച്ച് മാസങ്ങളായി മകൻ കടുത്ത മാനസിക സമ്മർദ്ദത്തിലായിരുന്നുവെന്ന് മോറെയുടെ അമ്മ പോലീസിനോട് പറഞ്ഞു. മോറെയുടെ മുറിയിൽ നിന്ന് മൂന്ന് പേജുള്ള ഒരു ആത്മഹത്യാക്കുറിപ്പ് അധികൃതർ കണ്ടെടുത്തു, അതിൽ ഒന്ന് അമ്മയ്ക്ക് സമർപ്പിച്ചിരുന്നു. കുറിപ്പിൽ, അദ്ദേഹം ക്ഷമാപണം നടത്തുകയും കുടുംബം സ്വയം പരിപാലിക്കാൻ ആവശ്യപ്പെടുകയും ചെയ്തു.

രണ്ടാമത്തെ പേജിൽ മോറെ തന്റെ സഹപ്രവർത്തകർക്ക് ആയിട്ടാണ് എഴുതിയത്. മൂന്നാം പേജിൽ മോറെ തന്റെ മരണത്തിന് രാഹുലിനെയും സാബയെയും കുറ്റപ്പെടുത്തുന്നതായി പരാമർശിച്ചു.

“ഞാൻ, രാജ് മോർ, ഇന്ന് ആത്മഹത്യ ചെയ്യുകയാണ്. എന്റെ ആത്മഹത്യയ്ക്ക് രാഹുൽ പർവാനി ഉത്തരവാദിയാണ്. അയാൾ എന്നെ കൃത്രിമമായി ഉപയോഗിച്ച് മാസങ്ങളോളം ബ്ലാക്ക് മെയിൽ ചെയ്തു. എന്റെ സമ്പാദ്യം തകർക്കാൻ അയാൾ എന്നെ നിർബന്ധിച്ചു, എന്റെ കമ്പനി അക്കൗണ്ടിൽ നിന്ന് പണം മോഷ്ടിച്ചു. രാഹുൽ പർവാനി, സബ ഖുറേഷി എന്നിവരാണ് എന്റെ മരണത്തിന് ഉത്തരവാദികൾ,” എന്നാണ് അദ്ദേഹം എഴുതിയിരുന്നത്. രണ്ടുപേർക്കെതിരെയും ആത്മഹത്യാ പ്രേരണയ്ക്കും ഭീഷണിപ്പെടുത്തലിനും പോലീസ് കേസെടുത്തിട്ടുണ്ടെങ്കിലും ഇതുവരെ ആരെയും അറസ്റ്റ് ചെയ്തിട്ടില്ല.