മുംബൈ താനെയിൽ 7 വയസുകാരിയെ ലൈംഗികമായി പീഡിപ്പിച്ച കേസിൽ കെട്ടിട നിർമ്മാണ തൊഴിലാളി അറസ്റ്റിൽ. മഹാരാഷ്ട്രയിലെ താനെ നഗരത്തിലാണ് സംഭവം. കെട്ടിട നിർമ്മാണ സ്ഥലത്ത് വച്ചാണ് 7 വയസുകാരിയെ നിർമാണ തൊഴിലാളി ലൈംഗികമായി പീഡിപ്പിച്ചത്. തിങ്കളാഴ്ച വൈകുന്നേരമാണ് സംഭവം നടന്നത്. ചൊവ്വാഴ്ചയാണ് പൊലീസ് വിവരം പുറത്തുവിട്ടത്.
പോലീസിന്റെ പ്രാഥമിക വിവരങ്ങൾ പ്രകാരം, മുംബൈയിൽ നിന്നും 34 കിലോമീറ്റർ അകലെ താനെ നൗപാഡയിലെ ഒരു കെട്ടിട നിർമ്മാണ സ്ഥലത്താണ് സംഭവം നടന്നത്. 45 വയസുള്ള പ്രതിയെ സംഭവം നടന്ന് മണിക്കൂറുകൾക്കുള്ളിൽ തന്നെ പൊലീസ് പിടികൂടിയതായി അധികൃതർ അറിയിച്ചു. ഇരയായ കുട്ടിയുടെ മാതാപിതാക്കളും പ്രതിയും അതേ നിർമാണ സ്ഥലത്ത് ജോലി ചെയ്യുന്ന തൊഴിലാളികളാണ്. കുട്ടി കളിച്ചുകൊണ്ടിരിക്കുമ്പോഴാണ് പ്രതി കുട്ടിക്ക് നേരെ അതിക്രമം കാട്ടിയത്. സംഭവം പുറത്തറിഞ്ഞതോടെ പ്രദേശവാസികളിൽ നിന്ന് ശക്തമായ പ്രതിഷേധം ഉയർന്നു.
Also read: ഗുജറാത്തിൽ ഓൺലൈൻ ചൂതാട്ടത്തിനിടെ തർക്കം; യുപി സ്വദേശിയെ മരത്തിൽ തലകീഴായി കെട്ടിയിട്ട് തല്ലിക്കൊന്നു
കുട്ടിയെ ഉടൻ സമീപത്തെ ആശുപത്രിയിൽ പ്രവേശിപ്പിച്ചു, കുട്ടിയുടെ ആരോഗ്യനില നിരീക്ഷണത്തിലാണ്. പ്രതിക്കെതിരെ ബാലപീഡനത്തിനെതിരായ കർശന നിയമങ്ങളായ POCSO Act പ്രകാരം കേസ് രജിസ്റ്റർ ചെയ്തിട്ടുണ്ട്. കൂടാതെ, ഇന്ത്യൻ ശിക്ഷാനിയമത്തിലെ ബന്ധപ്പെട്ട വകുപ്പുകളും ചുമത്തിയിട്ടുണ്ട്. സംഭവത്തെ തുടർന്ന് പ്രദേശത്ത് പൊലീസ് സുരക്ഷ ശക്തമാക്കിയിട്ടുണ്ട്. കേസുമായി ബന്ധപ്പെട്ട കൂടുതൽ അന്വേഷണം പുരോഗമിക്കുകയാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
