മുംബൈ ഉയർത്തിയ റൺമലയ്ക്ക് മുമ്പിൽ അടിപതറി ​ഗുജറാത്ത് ടൈറ്റൻസ്

ഐപിഎൽ 2025ലെ എലിമിനേറ്ററിൽ ​ഗുജറാത്തിനെ തകർത്ത് മുംബൈ മുന്നോട്ട്. ​മുംബൈ ഉയർത്തിയ 228 എന്ന ലക്ഷ്യം മറികടക്കാൻ ​ഗുജറാത്തിന് സാധിച്ചില്ല. ഓപ്പണിങ്ങ് ഇറങ്ങി വെടിക്കെട്ട് നടത്തിയ ജോണി ബെയർസ്റ്റോ (22 പന്തിൽ 47) രോഹിത്ത് (50 പന്തിൽ 81) എന്നിവരുടെ മികച്ച തുടക്കവും അവസാന ഓവറിൽ ഹാർദിക് പാണ്ഡ്യയുടെ വെടിക്കെട്ടുമാണ് മുംബൈയെ മികച്ച സ്കോർ ഉയർത്താൻ സഹായിച്ചത്.

മറുപടി ബാറ്റിങ്ങിനിറങ്ങിയ ​ഗുജറാത്തിന് തുടക്കത്തിൽ തന്നെ ​ഗില്ലിനെ നഷ്ടമായെങ്കിലും 49 പന്തിൽ 80 റൺസ് നേടിയ സായി സുദർശൻ ടീമിനെ മുന്നിലേക്ക് നയിച്ചു. എന്നാൽ മുംബൈയുടെ രക്ഷകനായി ബുമ്ര അക്കട്ടത്തിലെത്തിയതാണ് കളിയുടെ ​ഗതി മാറ്റിയത്. വാഷിങ്ടൺ സുന്ദറിനെ (24 പന്തിൽ 48) ബുമ്ര പുറത്താക്കിയതോടെ കളി മുംബൈ പിടിക്കാൻ ആരംഭിച്ചു.

Also Read: പഞ്ചാബിനെ ചുരുട്ടിക്കെട്ടിയതിലൂടെ ആർ സി ബി സ്വന്തമാക്കിയത് ഒരുപിടി റെക്കോർഡുകൾ; ഏതൊക്കെയെന്ന് അറിയാം

15-ാം ഓവറിന്റെ നാലാം പന്തിൽ റിച്ചാർഡ് ഗ്ലീസണ് സുദർശനെ പുറത്താക്കിയതോടെ മുംബൈയുടെ പ്രതീക്ഷകൾ കൂടുതൽ സജീവമായി. രാഹുൽ തെവാട്ടിയയുടെയും ഷാരൂഖ് ഖാൻ്റെയും ശ്രമങ്ങൾ വിജിയിക്കാതായതോടെ 228 എന്ന ലക്ഷ്യവുമായി ഇറങ്ങിയ ​ഗുജറാത്തിന്റെ പോരാട്ടം 6 വിക്കറ്റ് നഷ്ടത്തിൽ 208ൽ അവസാനിച്ചു.

ഫൈനലിലേക്ക് ഇനി മുംബൈയുടെ മുന്നിലുള്ള കടമ്പ ഒന്നാം ക്വാളിഫയർ തോറ്റെത്തുന്ന പഞ്ചാബാണ്. ആദ്യ ക്വാളിഫയറിൽ പഞ്ചാബിനെ തോൽപ്പിച്ച ആർ സി ബി ഫൈനലിൽ പ്രവേശിച്ചിട്ടുണ്ട്.