പലാവ ഫ്ലൈഓവർ എന്നറിയപ്പെടുന്ന കതായ്-നിൽജെ ഫ്ലൈഓവർ ഉദ്ഘാടനം കഴിഞ്ഞ് ഒരാഴ്ച തികയും മുൻപ് പൊട്ടിപ്പൊളിഞ്ഞു. ജൂലൈ 4 ന് ഡോംബിവ്ലിയിൽ നിന്നുള്ള ശിവസേന എംഎൽഎ രാജേഷ് മോർ ആണ് മേൽപ്പാലം ഉദ്ഘാടനം ചെയ്തത്. ഷിൽഫട്ടയ്ക്കും കല്യാണിനും ഇടയിലുള്ള ഗതാഗതക്കുരുക്ക് ലഘൂകരിക്കുന്നതിനുള്ള ഒരു പ്രധാന കണ്ണിയായി മാറാവുന്ന മേൽപ്പാലമാണ് ഒരാഴ്ച പോലും നേരാവണ്ണം കിടക്കാതെ പൊട്ടിപ്പൊളിഞ്ഞത്. ഉദ്ഘാടനദിവസം തന്നെ രണ്ട് ബൈക്ക് യാത്രികര് മേൽപ്പാലത്തിൽ തെന്നിവീണത് വാര്ത്തയായിരുന്നു. മേൽപ്പാലത്തിലെ ടാറിങ്ങിൽ ഉൾപ്പെടെ അപാകതകളുണ്ടെന്നും ആക്ഷേപമുയർന്നു. ഏതാനും ദിവസങ്ങൾക്കുള്ളിൽ, അയഞ്ഞ ചരൽ, ചെളി നിറഞ്ഞ ഭാഗങ്ങൾ, സിമന്റ് ചോർച്ച, അസമമായി ഇട്ട ടാർ എന്നിവ ഗുരുതരമായ സുരക്ഷാ അപകടങ്ങളാണെന്ന് ചൂണ്ടിക്കാട്ടി യാത്രക്കാർ ഇതിനെ “സ്കിഡിംഗ് സോൺ” എന്ന് മുദ്രകുത്തുന്നു.
250 കോടി രൂപ ചെലവിൽ നിർമ്മിച്ച 562 മീറ്റർ നീളമുള്ള ഈ മേൽപ്പാലം പൊതുജനങ്ങൾക്കായി തുറന്നുകൊടുത്ത് വെറും നാല് ദിവസത്തിന് ശേഷമാണ് പരിശോധനയ്ക്ക് വിധേയമായത്. ഈ പാതയിൽ നിർമ്മാണ നിലവാരം മോശമാണെന്ന് ഇതിനകം തന്നെ കണ്ടെത്തിയിട്ടുണ്ട്. മഹാരാഷ്ട്ര സംസ്ഥാന റോഡ് വികസന കോർപ്പറേഷനിലെ (എംഎസ്ആർഡിസി) കരാറുകാർ ദിവസം മുഴുവൻ സ്ഥലത്ത് ജോലി ചെയ്യുകയും സുരക്ഷാ ആശങ്കകൾ പരിഹരിക്കുന്നതിനായി അപകടകരമായ ഭാഗങ്ങൾ തിടുക്കത്തിൽ നന്നാക്കുകയും ചെയ്തു.
See the Pathetic condition of ₹20 Crores Palava Bridge near Mumbai inaugurated Just a day ago, Yes a day ago😯
— 🚨Indian Gems (@IndianGems_) July 7, 2025
India is the most corrupt nation in the world pic.twitter.com/oGkmbwOgfR
2018ലാണ് മേൽപ്പാലത്തിന്റെ നിര്മാണം ആരംഭിച്ചത്. 562 മീറ്റര് നീളത്തില് 250 കോടി രൂപ ചെലവഴിച്ചാണ് മേൽപ്പാലനിര്മാണം ഈ വർഷം പൂര്ത്തീകരിച്ചത്. ഷിൽഫാട്ട-കല്ല്യാൺ റോഡിൽ സമാന്തരമായി രണ്ട് പാലങ്ങൾ നിർമിക്കാനായിരുന്നു പദ്ധതി. എന്നാല് ഇന്ത്യന് റെയിൽവേയുടെ ഡെഡിക്കേറ്റഡ് ഫ്രെയ്റ്റ് കോറിഡോർ (DFC) വിപുലീകരിക്കണമെന്ന നിർദ്ദേശത്തെ തുടർന്ന്, ഈ പ്രവൃത്തി 2020-ൽ താത്കാലികമായി നിർത്തിവെച്ചിരുന്നു.
The Rs.250 #crores #Katai #Nilje #flyover commonly known as #Palava flyover opened 4 days ago resembles a construction site, with loose gravel, muddy patches, #cement spills & poorly laid #Tar
— Janak Keshriya (@jskeshriya) July 9, 2025
Even someone with #Cataract can spot the flaws, to which authorities have turned a… pic.twitter.com/l0gVGeBXQI
ഈ ഫ്ലൈഓവറിന്റെ മോശം അവസ്ഥയുടെ വീഡിയോകൾ ഇന്റർനെറ്റിൽ ഇപ്പോൾ വൈറലാണ്, ഫ്ലൈഓവർ പ്രതിഫലിപ്പിക്കുന്ന ‘അഴിമതി’യെക്കുറിച്ച് ആളുകൾ വിളിച്ചുപറയുന്നുമുണ്ട്. 45 അടിത്തറകളോ തൂണുകളോ ഉപയോഗിച്ച് നിർമ്മിച്ച ഈ ഫ്ലൈഓവർ ദേശായി ക്രീക്ക് മുതൽ കതായ് ടോൾ നാക്ക വരെ നീളുന്നു. കല്യാൺ-ഡോംബിവ്ലിയെ താനെ, നവി മുംബൈ എന്നിവയുമായി ബന്ധിപ്പിക്കുന്ന ഒരു പ്രധാന പാതയായ കല്യാൺ-ഷിൽഫട്ട ഇടനാഴിയിലാണ് ഇത് സ്ഥിതിചെയ്യുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
