യുദ്ധക്കൊതിക്കെതിരെ പ്രതിരോധമുയർത്തുമെന്ന പ്രതിജ്ഞ ഇൗ പെരുന്നാളിൽ പുതുക്കാമെന്ന് സി പി ഐ എം സംസ്ഥാന സെക്രട്ടറി എം വി ഗോവിന്ദൻ മാസ്റ്റർ. ത്യാഗത്തിന്റെയും സഹനത്തിന്റെയും സന്ദേശമുയർത്തിയാണ് ഓരോ പെരുന്നാളും കടന്നുവരുന്നത്. ഒരു മാസം നീണ്ട കഠിനമായ വ്രതാനുഷ്ഠാനത്തിന് ശേഷമാണ് വിശ്വാസികൾ പെരുന്നാൾ ആഘോഷിക്കുന്നത്.
ലോകമെങ്ങും സമാധാനം പുലരണമെന്നും സാഹോദര്യം ഉൗട്ടിയുറപ്പിക്കണമെന്ന സന്ദേശം പകർന്ന ഇൗ റംസാൻ കാലത്താണ് സാമ്രാജ്യത്വ ശക്തികൾ ഇറാനിലെ മനുഷ്യർക്കെതിരായി ക്രൂര ആക്രമണം നടത്തിയത്. യുദ്ധത്തിന്റെ ബാക്കിപത്രം നമ്മുടെ അടുക്കളകളെപ്പോലും ബാധിച്ചിരിക്കുന്നുവെന്ന് അദ്ദേഹം പറഞ്ഞു.
മനുഷ്യ ജീവിതത്തിന് മുകളിൽ അശാന്തിയുടെ മഴപെയ്യിക്കുന്ന യുദ്ധക്കൊതിക്കെതിരെ പ്രതിരോധമുയർത്തുമെന്ന പ്രതിജ്ഞ പുതുക്കാൻ കൂടി ഇൗ പെരുന്നാൾ ദിനത്തെ മാറ്റിയെടുക്കാൻ കഴിയട്ടെ. എല്ലാവർക്കും സന്തോഷം നിറഞ്ഞ പെരുന്നാൾ ആശംസകൾ അദ്ദേഹം നേർന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
