മ്യാൻമറിൽ വീണ്ടും ഭൂചലനം

മ്യാൻമറിൽ വീണ്ടും ഭൂചലനം. തിങ്കളാഴ്ച രാവിലെ റിക്ടര്‍ സ്കെയിലില്‍ 4.5 തീവ്രത രേഖപ്പെടുത്തിയ ഭൂചലനമാണ് ഉണ്ടായതെന്നാണ് നാഷണൽ സെൻ്റർ ഫോർ സീസ്മോളജി പ്രസ്താവനയിൽ അറിയിച്ചിരിക്കുന്നത്.

10 കിലോമീറ്റർ ആഴത്തിലാണ് ഭൂചലനം ഉണ്ടായതെന്നാണ് എൻസിഎസ്. തുടര്‍ ചലനങ്ങള്‍ക്ക് സാധ്യതയുണ്ടെന്നും മുന്നറിയിപ്പുണ്ട്.

ALSO READ: 13,500 കോടി അടിച്ചെടുത്ത് ഇന്ത്യയില്‍ നിന്ന് മുങ്ങിയ രത്ന വ്യാപാരി മെഹുൽ ചോക്സി അറസ്റ്റിൽ

അതിനിടെ, മ്യാൻമർ ഗവൺമെൻ്റിൻ്റെ ഔപചാരികമായ അഭ്യർത്ഥനയ്ക്ക് പിന്നാലെ ഇന്ത്യൻ ആർമി എഞ്ചിനീയർമാരുടെ ഒരു സ്പെഷ്യലിസ്റ്റ് ടീം 2025 ഏപ്രിൽ 6-ന് ഓപ്പറേഷൻ ബ്രഹ്മയുടെ കീഴിൽ മ്യാൻമറില്‍ എത്തിയിട്ടുണ്ട്.

നെയ്‌പിറ്റാവ്, മാൻഡലെ എന്നിവിടങ്ങളിൽ ഭൂകമ്പ ബാധിത പ്രദേശങ്ങൾ വിലയിരുത്തിയ ശേഷം, ഇന്ത്യയിൽ നിന്നുള്ള സുരക്ഷാ & പൊളിക്കൽ സ്പെഷ്യലിസ്റ്റ് എഞ്ചിനീയർമാരുടെ സംഘം മ്യാൻമർ അധികൃതരെ മന്ദാലെയിലെ ഐരാവതി നദിയിലെ ഓൾഡ് ആവ റെയിൽവേ പാലം വിലയിരുത്തുന്നതിന് സഹായിച്ചുവെന്ന് മ്യാൻമറിലെ ഇന്ത്യൻ എംബസി എക്‌സിലെ ഒരു പോസ്റ്റിൽ പറഞ്ഞിട്ടുണ്ട്.

ഇന്ത്യൻ സൈന്യം പറയുന്നതനുസരിച്ച്, യൂണിറ്റിൻ്റെ കമാൻഡിംഗ് ഓഫീസറുടെ നേതൃത്വത്തിൽ ഒരു ഓഫീസറും അഞ്ച് ഉദ്യോഗസ്ഥരും അടങ്ങുന്ന എഞ്ചിനീയർ റെക്‌സ് ടീമിനെ മാൻഡലെ, നെയ്പിറ്റാവ് മേഖലകളിലെ ഭൂകമ്പ ബാധിത അടിസ്ഥാന സൗകര്യങ്ങൾ വിലയിരുത്താൻ വിന്യസിച്ചിട്ടുണ്ട്. മാർച്ച് 28 ന് രാജ്യത്തെ ബാധിച്ച 7.7 തീവ്രത രേഖപ്പെടുത്തിയ ഭൂകമ്പത്തെത്തുടർന്ന് മ്യാൻമറിനെ പിന്തുണയ്ക്കാനുള്ള ഇന്ത്യയുടെ തുടർച്ചയായ ശ്രമങ്ങളിലെ നിർണായക ഘട്ടമാണ് ഇത്.