അതിർത്തിയിൽ വീണ്ടും പാക് പ്രകോപനം. ജമ്മുകശ്മീരിലെ കുപ്വാര കേരൻ സെക്ടറിൽ പാക് ഡ്രോണുകൾ കണ്ടതായി സൈന്യം അറിയിച്ചു. സൈന്യം വെടിവെച്ചതോടെ ഡ്രോണുകൾ തിരികെ മടങ്ങി. അതിർത്തി മേഖലകൾ കേന്ദ്രീകരിച്ച് സുരക്ഷ വർദ്ധിപ്പിച്ചതായി സൈന്യം വ്യക്തമാക്കി. ഓപ്പറേഷൻ സിന്ധൂറിന് ശേഷവും പ്രകോപനം തുടരുന്ന പാക്കിസ്ഥാന് കനത്ത തിരിച്ചടി ഉണ്ടാകുമെന്ന് സൈന്യം മുന്നറിയിപ്പ് നൽകിയിരുന്നു.
സൈന്യം നല്കുന്ന റിപ്പോർട്ടുകൾ പ്രകാരം, വ്യാഴാഴ്ച രാത്രി വൈകി നിയന്ത്രണ രേഖയ്ക്ക് സമീപം ഒന്നിലധികം ഡ്രോണുകൾ തങ്ങിനിൽക്കുന്നതായി കെരാൻ സെക്ടറിന്റെ മുൻവശത്ത് വിന്യസിച്ചിരുന്ന പ്രാദേശിക സൈനിക യൂണിറ്റ് കണ്ടെത്തിയിരുന്നു.
ALSO READ: ആരും സഹായിക്കാനെത്തിയില്ല; അമ്മയുടെ ശവമഞ്ചം ചുമന്ന് ചിതയൊരുക്കി തീകൊളുത്തി പെണ്മക്കൾ
രജൗരി, പൂഞ്ച് എന്നിവിടങ്ങളിലെ നിയന്ത്രണരേഖയിലും സാംബയിലെ അന്താരാഷ്ട്ര അതിർത്തിയിലും ആകെ അഞ്ച് ഡ്രോൺ കണ്ടതായി റിപ്പോർട്ട് ചെയ്യപ്പെട്ടിരുന്നു. ജനുവരി 13 ന് ജമ്മു സെക്ടറിൽ രണ്ട് ഡ്രോണുകള് കണ്ടെന്ന് റിപ്പോർട്ട് ചെയ്യപ്പെട്ടു. നാല് ദിവസത്തെ ഇടവേളയ്ക്ക് ശേഷം, ജനുവരി 17 ന് സാംബ ജില്ലയിലെ രാംഗഡ് സെക്ടറിലെ അന്താരാഷ്ട്ര അതിർത്തിയിൽ (ഐബി) മറ്റൊരു ഡ്രോൺ കണ്ടതായി റിപ്പോർട്ട് ചെയ്തിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
