ആർഎസ്എസിനും ബിജെപിക്കും പശു ‘ഗോമാതാ’ ആയിരിക്കും. പക്ഷെ പശുവിനറിയില്ലല്ലോ ബിജെപിക്കാരെ കണ്ടാൽ താണ് വണങ്ങി നിൽക്കണം എന്ന്. അതോ ഇനി കാര്യമായൊന്ന് താണുവണങ്ങാൻ വന്നതാണോ എന്നും അറിയില്ല. എന്തായാലും സംഭവം ഇപ്പോൾ വാർത്തയായിരിക്കുകയാണ്.
ഗൊരഖ്പുർ മുനിസിപ്പാലിറ്റിയിലെ മേൽപ്പാലം ഉദ്ഘാടനം ചെയ്യാൻ എത്തിയപ്പോഴാണ് യോഗി ആദിത്യനാഥിന് നേരെ പരിസരത്ത് അലഞ്ഞുതിരിഞ്ഞു നടന്ന ഒരു പശു പാഞ്ഞെത്തിയത്. പരിപാടിക്കായി കാറിൽ നിന്നിറങ്ങവെയാണ് ഏവരെയും ഞെട്ടിച്ച് കൊണ്ട് ആ സംഭവം നടന്നത്. സുരക്ഷാ ജീവനക്കാർ സമയോചിതമായി ഇടപ്പെട്ടത് കൊണ്ട് യോഗി രക്ഷപ്പെട്ടു.
എന്നാൽ സംഭവത്തിൽ സുരക്ഷാ വീഴ്ച്ച ചൂണ്ടിക്കാട്ടി ഗൊരഖ്പുർ മുനിസിപ്പാലിറ്റിയിലെ സൂപ്പർവൈസറെ സസ്പെൻഡ് ചെയ്തു. കാറിൽ നിന്നും ആദ്യം എംപി രവികൃഷ്ണനാണ് പുറത്തിറങ്ങിയത്. അതിന് ശേഷം യോഗി ഇറങ്ങിയപ്പോഴാണ് പശു പാഞ്ഞെത്തിയത്.
കുറ്റം പശുവിന്റെതാണെങ്കിലും സംഭവത്തിന് പിന്നാലെ സൂപ്പർവൈസറെ കൂടാതെ മറ്റ് നിരവധി ഉദ്ദ്യോഗസ്ഥർക്കും തലതവേദന ആയിരിക്കുകയാണ്. മുനിസിപ്പൽ കമ്മീഷണർ ഗൗരവ് സിങ് സോഗ്രാവൽ ആഭ്യന്തര അന്വേഷണം പ്രഖ്യാപിച്ചു. മുഖ്യമന്ത്രിക്ക് ഒരുക്കിയ സുരക്ഷയിൽ വീഴ്ച്ചയുണ്ടോ എന്നറിയാനാണ് അന്വഷണം.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
