ആധാർ പാൻ നമ്പറുകൾ ബന്ധിപ്പിക്കാൻ ഇനി ഏതാനും ദിവസങ്ങൾ കൂടി മാത്രം

പെർമനന്റ് അക്കൗണ്ട് നമ്പറർ അഥവാ പാനും ആധാർ നമ്പറും തമ്മിൽ ബന്ധിപ്പിക്കാനുള്ള അവസാന തീയതി ഡിസംബർ 31 ആണ്. ഈ സമയത്തിനുള്ളിൽ പൂർത്തിയാക്കിയില്ലെങ്കിൽ നികുതി സംബന്ധമായ പ്രവർത്തനങ്ങളും മറ്റ് സാമ്പത്തിക ഇടപാടുകൾക്കും തടസ്സം നേരിടും. എന്നാൽ ആധാർ- പാൻ കാർഡുമായി ലിങ്ക് ചെയ്തിട്ടില്ലെങ്കിൽ പാൻ കാർഡ് പ്രവർത്തനരഹിതമാകും.

2024 ഒക്ടോബർ 1-ന് മുമ്പ് ആധാർ നമ്പർ ഉപയോഗിച്ച് പാൻ അനുവദിക്കപ്പെട്ട വ്യക്തികൾ എത്രയും വേ​ഗം ബന്ധിപ്പിക്കൽ പ്രക്രിയ പൂർത്തിയാക്കണം എന്ന് ആദായനികുതി വകുപ്പ് അറിയിച്ചു. 2025 ഏപ്രിൽ 3-ൽ ഇറക്കിയ വിജ്ഞാപനത്തിലാണ് അറിയിപ്പ് നൽകിയിരിക്കുന്നത്. ഇനിയും ലിങ്ക് ചെയ്യാത്തവർ ആദ്യം 1,000 രൂപ ലേറ്റ് ഫീസ് അടയ്ക്കണം. എന്നാൽ 2024 ഒക്ടോബർ 1 ന് ശേഷം ആധാർ എൻറോൾമെന്റ് ഐഡി ഉപയോഗിച്ച് കാർഡുകൾ നേടിയ പാൻ ഉടമകൾക്ക് 2025 ഡിസംബർ 31 വരെ സൗജന്യമായി അവരുടെ പാൻ ആധാറുമായി ബന്ധിപ്പിക്കാൻ കഴിയും.

Also read : എൻസിപി വിഭാഗങ്ങൾ തമ്മിലുള്ള ഐക്യം വീണ്ടും അനിശ്ചിതത്വത്തിൽ; ചർച്ചകൾ ഇനിയും തുടരും

ഇത് കൂടാതെ പുതുതായി പാൻ കാ‌‍ർഡ് അപേക്ഷിക്കുന്നവർക്ക് ആധാർ അധിഷ്ഠിത പരിശോധന നി‌ർബന്ധമാക്കിയിട്ടുമുണ്ട്. അതായത് പാൻ കാ‌ർഡിന് അപേക്ഷിക്കും മുൻപ് ആധാർ കാർഡിലെ വിവരങ്ങൾ കൃത്യമാക്കി വച്ചില്ലെങ്കിൽ പണി കിട്ടുമെന്നർത്ഥം.