SFI പ്രതിനിധിയും JNUSU വൈസ് പ്രസിഡന്റുമായ ഗോപിക ബാബു ഉൾപ്പെടെയുള്ള JNUSU ഭാരവാഹികൾക്കെതിരെയുള്ള ജയിൽ ശിക്ഷാ ഉത്തരവിനെ അപലപിച്ച് എസ് എഫ് ഐ. എസ് എഫ് ഐ കേന്ദ്ര കമ്മിറ്റി പുറത്തിറക്കിയ പ്രസ്താവനയിലാണ് ഇക്കാര്യം അറിയിച്ചത്.
എസ്എഫ്ഐ ജെഎൻയു പ്രസിഡന്റും എസ്എസ്എസ് കൗൺസിലറുമായ ഉത്സ, എസ് എ എ കൗൺസിലർ ദേവ്യ, മുൻ എസ് എസ് എ കൗൺസിലർ കൃഷ്ണപ്രിയ എന്നിവർക്കെതിരെ 19,000/- രൂപ പിഴ ചുമത്തിയിട്ടുണ്ട്. ജയിൽ ശിക്ഷാ ഉത്തരവുകളും പിഴകളും സംബന്ധിച്ച് ജെഎൻയു ഭരണകൂടത്തിന്റെ അഭൂതപൂർവമായ നടപടികൾ ജെഎൻയുവിലെ വിദ്യാർത്ഥി സംഘടനയുടെ കൂട്ടായ ജനാധിപത്യ അവകാശങ്ങൾക്ക് നേരെയുള്ള നേരിട്ടുള്ള ആക്രമണമാണെന്ന് പ്രസ്താവനയില് പറഞ്ഞു.
ഡോ. ബി ആർ അംബേദ്കർ സെൻട്രൽ ലൈബ്രറിയിലെ നിരീക്ഷണ സംവിധാനത്തിനെതിരെ സമാധാനപരമായി നടന്ന പ്രതിഷേധത്തിൽ പങ്കെടുത്തതിനാണ് ഈ ശിക്ഷാ ഉത്തരവുകൾ പുറപ്പെടുവിച്ചിരിക്കുന്നത്. ഈ നടപടി ഭരണകൂടത്തിന്റെ ഉദ്ദേശ്യശുദ്ധിയെ വ്യക്തമായി തുറന്നുകാട്ടുന്നു. 2026ലെ യുജിസി പ്രൊമോഷൻ ഓഫ് ഇക്വിറ്റി റെഗുലേഷൻസ് സ്റ്റേ ചെയ്തതിനെതിരെ വിദ്യാർത്ഥികൾ പ്രക്ഷോഭം ശക്തമാക്കാൻ തയ്യാറെടുക്കുന്ന ഒരു നിർണായക നിമിഷത്തിലാണ് ഇത് വരുന്നത്. ക്യാമ്പസിൽ ബഹുജന പരിപാടികൾ ആസൂത്രണം ചെയ്തിട്ടുണ്ട്.
അതിനാൽ വിദ്യാർത്ഥികളുടെ കൂട്ടായ പ്രതിരോധം തകർക്കാനുള്ള ബോധപൂർവമായ ശ്രമമായി ഈ നീക്കത്തെ വായിക്കണം. തിരഞ്ഞെടുക്കപ്പെട്ട വിദ്യാർത്ഥികള്ക്കെതിരെയുള്ള ഈ പ്രവര്ത്തി ജെഎൻയു ഭരണകൂടത്തിന്റെ വിദ്യാർത്ഥി വിരുദ്ധ അജണ്ടയെ വ്യക്തമായി പ്രതിഫലിപ്പിക്കുന്നതാണ്. ജനാധിപത്യപരമായ വിയോജിപ്പുകൾ പ്രകടിപ്പിക്കുന്ന വിദ്യാർത്ഥികൾക്കെതിരെ പിഴ ചുമത്തുന്നത് ജെഎൻയു ഭരണകൂടം അടുത്തിടെ സാധാരണവൽക്കരിച്ചുവരികയാണ്. കൂട്ടായ പ്രതിരോധത്തിനും വിദ്യാർത്ഥി ജനാധിപത്യത്തിനും നേരെയുള്ള ഈ ലക്ഷ്യം വച്ചുള്ള ആക്രമണത്തിനെതിരെ ജെഎൻയുവിലെ വിദ്യാർത്ഥികളോടൊപ്പം ഐക്യദാർഢ്യം പ്രഖ്യാപിക്കാൻ രാജ്യത്തെ മുഴുവൻ വിദ്യാർത്ഥി സമൂഹത്തോടും ജനാധിപത്യ ശക്തികളോടും എസ്എഫ്ഐ ആഹ്വാനം ചെയ്യുന്നുവെന്ന് പ്രസ്താവനയില് പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
