എസ് ഐ ആർ: ലോക്സഭയിൽ ഇന്ന് ചർച്ച; ബിഹാർ വോട്ടർപട്ടിക ക്രമക്കേട് ഉൾപ്പെടെ ഉന്നയിക്കാൻ പ്രതിപക്ഷം

തീവ്ര വോട്ടർപട്ടിക പരിഷ്കരണത്തിൽ ഇന്ന് ലോക്സഭയിൽ ചർച്ച നടക്കും. തീവ്ര വോട്ടർപട്ടിക പരിഷ്കരണത്തിൽ ചർച്ച വേണമെന്ന് ആവശ്യപ്പെട്ട് പ്രതിപക്ഷം തുടർച്ചയായി രണ്ട് ദിവസങ്ങളിൽ സഭ നടപടികൾ സ്തംഭിച്ചതിന് പിന്നാലെ ആയിരുന്നു കേന്ദ്ര സർക്കാർ ചർച്ചയ്ക്ക് തയ്യാറായത്. ബിഹാറിലെ വോട്ടർപട്ടിക ക്രമക്കേട് ഉൾപ്പെടെ നിരവധി വിഷയങ്ങൾ പ്രതിപക്ഷം ഉന്നയിക്കും. ബിഹാറിൽ മാത്രം 45 ലക്ഷത്തിലധികം ആളുകൾ ആയിരുന്നു വോട്ടർപട്ടികയിൽ നിന്ന് പുറത്തായത്.

ALSO READ; അഹമ്മദാബാദ് വിമാന ദുരന്തം: അന്വേഷണത്തില്‍ വിദേശത്ത് നിന്നുള്ള പങ്ക് മറച്ചുവെച്ച് കേന്ദ്രം; ഡാറ്റ വീണ്ടെടുക്കാന്‍ ഗോള്‍ഡന്‍ ചേസിസും ഡൗണ്‍ലോഡ് കേബിളുകളും ഉപയോഗിച്ചു; ഡോ.ജോണ്‍ ബ്രിട്ടാസ് എംപിയുടെ ചോദ്യത്തിനുളള മറുപടി

വോട്ടർപട്ടിക പരിഷ്കരണ നടപടികളിൽ തെരഞ്ഞെടുപ്പ് കമ്മീഷൻ കാണിക്കുന്ന ധൃതിയും സമ്മർദവും മൂലം നിരവധി ബി എൽ ഒമാർക്ക് ജീവൻ നഷ്ടപ്പെട്ടതും പ്രതിപക്ഷം സഭയിൽ ഉയർത്തിക്കാട്ടും. അതിനിടെ രാജ്യസഭയിൽ ഇന്ന് വന്ദേ മാതരത്തിൽ ചർച്ച നടക്കും. വന്ദേ മത്സരത്തിൻ്റെ 150 ആം വാർഷികത്തോട് അനുബന്ധിച്ച് കഴിഞ്ഞ ദിവസം ലോക്സഭയിൽ ചർച്ച നടന്നിരുന്നു.