പെര്ഫോമന്സിനെ കുറിച്ച് പറയുന്നത് നല്ലതാണ് എന്നാൽ ബോഡി ഷെയിമിങ് നിറഞ്ഞ കാര്യങ്ങൾ പറയാന് പാടില്ലെന്ന് നടി നയൻതാര. താന് ഏറ്റവും തകര്ന്നു പോയത് ആദ്യമായി ബോഡി ഷെയിമിങ്ങുകള് ഉണ്ടായപ്പോഴായിരുന്നു എന്ന് തുറന്നു പറയുകയാണ് താരം.
ഗജിനി സിനിമയുടെ സമയത്താണ് ബോഡി ഷെയിമിങ്ങുകള് ഉണ്ടായത്. ഏറ്റവും തകര്ന്നു പോയതും ആ സമയത്താണ് എന്ന് നടി പറഞ്ഞു. നയന്താര – ബിയോണ്ട് ദി ഫെയറി ടേല് എന്ന നെറ്റ്ഫ്ളിക്സ് ഡോക്യൂമെന്ററിയിലാണ് നടിയുടെ വെളിപ്പെടുത്തൽ.
Also Read: കോമഡി, ഹൊറര്, ഫാന്റസി, ത്രില്ല് ഇവയെല്ലാം ഒരു കുടക്കീഴില് ! ‘ഹലോ മമ്മി’ വരുന്നു
‘ഞാന് ഏറ്റവും തകര്ന്നു പോയത് ഗജിനിയുടെ സമയത്താണ്. അന്ന് ഞാന് എന്നെ പറ്റിയുള്ള ധാരാളം കമന്റുകള് കാണാറുണ്ടായിരുന്നു. ‘ഇവള് എന്തിനാണ് അഭിനയിക്കുന്നത്? ഇവള് എന്തിനാണ് സിനിമയില് തുടരുന്നത്? അവള് ഒരുപാട് വണ്ണം വെച്ചു’ എന്നൊക്കെയുള്ള കമന്റുകള് വരുമായിരുന്നു.
നമ്മള് ഒരു വിഷമഘട്ടത്തിലൂടെ പോകുമ്പോള് ആരും കൂടെ ഉണ്ടാകുമെന്ന ഉറപ്പില്ല. എനിക്ക് ആരും ഉണ്ടായിട്ടില്ല. ഒരാള് പോലും എന്റെ അടുത്ത് വന്നിട്ട് പോട്ടെ സാരമില്ലെന്ന് പറഞ്ഞിട്ടില്ല.
പക്ഷെ ഓരോ നാളുകള് കഴിയുമ്പോഴും ഞാന് സ്ട്രോങ്ങായി മാറികൊണ്ടേയിരുന്നു. കാരണം അത് മാത്രമായിരുന്നു എന്റെ മുന്നില് ഉണ്ടായിരുന്ന ഓപ്ഷന്. എനിക്ക് വേറെ വഴി ഇല്ലായിരുന്നു,’
എന്നാണ് താൻ നേരിട്ട ബോഡി ഷെയിമിങ്ങിനെ പറ്റി നടി പറയുന്നത്. സംവിധായകന് ആവശ്യപ്പെട്ടത് മാത്രമാണ് ഓരോ സിനിമയിലും ചെയ്തതെന്നും അവർ ആവശ്യപ്പെട്ട വസ്ത്രമാണ് ധരിച്ചതെന്നും നടി കൂട്ടിച്ചേര്ത്തു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
