ഹൃദയം നിലച്ചാല്‍ എല്ലാം അവസാനിച്ചു. ഹൃദമയിടിപ്പിന്റെ താളം തെറ്റാതെ സൂക്ഷിക്കേണ്ടത് നമ്മളാണ്. ഹൃദയത്തെ സംരക്ഷിക്കാന്‍ ആരോഗ്യകരമായ ജീവിതശൈലി വേണം നമ്മള്‍ പിന്തുടരാന്‍. ഹൃദയമിടിപ്പിന്റെ താളം തെറ്റിയാല്‍ അത് ക്രമീകരിക്കാന്‍ കണ്ടുപിടിച്ചിരിക്കുന്ന ഒരു ഉപകരണമാണ് പേസ്‌മേക്കറെന്ന് പ്രത്യേകം പറയേണ്ട കാര്യമില്ലല്ലോ? പേസ്മേക്കര് എന്ന് പറയുമ്പോള്‍ തന്നെ അതിന്റെ വലിപ്പമെന്താണെന്നും നമുക്കറിയാം. എന്നാല്‍ ശാസ്ത്രം പുരോഗമിക്കുമ്പോള്‍ അതിലും മാറ്റം വരികയാണ്.
പേസ്മേക്കര് ഘടിപ്പിക്കുന്നതിനായി നടത്തേണ്ട ശസ്ത്രക്രിയ, അതിന്റെ ഗൗരവം, പണച്ചിലവ്.. പിന്നാലെ വരുന്ന ടെന്‍ഷന്‍ വേറെയും. എന്നാല്‍ ഇനി അത്രയും ടെന്‍ഷന്‍ അടിക്കേണ്ട. കാരണം ലോകത്തിലെ ഏറ്റവും വലിപ്പം കുറഞ്ഞ പേസ്മേക്കര് വികസിപ്പിച്ചിരിക്കുകയാണ് അമേരിക്കയിലെ നോര്‍ത്ത് വെസ്റ്റേണ്‍ സര്‍വകലാശാല ഗവേഷകര്‍. ചെറുതെന്ന് പറഞ്ഞാല്‍ ഒരു സിറിഞ്ചിന്റെ അഗ്രത്തിനുള്ളില്‍ കടക്കാന്‍ മാത്രമേ അതിന് വലിപ്പമുള്ളു. കുത്തിവെക്കുന്നതിലൂടെ ഇതിനെ ശരീരത്തില്‍ ഘടിപ്പിക്കാന്‍ സാധിക്കും.
ALSO READ: ചിരിച്ചുകൊണ്ട് വിടവാങ്ങൽ ചടങ്ങിൽ പ്രസംഗം; ഇരുപതുകാരി വേദിയിൽ കുഴഞ്ഞ് വീണ് മരിച്ചു
ഇവ നവജാത ശിശുക്കള്‍ക്ക് വേണ്ടി പ്രത്യേകം രൂപപ്പെടുത്തിയതാണ്. 1.8 മില്ലിമീറ്റര്‍ വീതിയും 3.5 മില്ലിമീറ്റര്‍ നീളവുമാണ് ഇതിനുള്ളത്. സാധാരണയായുള്ള പേസ്‌മേക്കറുകള്‍ കാലാവധി കഴിഞ്ഞുപോയാല്‍ നീക്കം ചെയ്യണം. അതിന് പ്രത്യേകം ശസ്ത്രക്രിയ അല്ലാതെ വേറെ മാര്‍ഗമില്ല താനും. എന്നാല്‍ പുതിയതായി വികസിപ്പിച്ച പേസ്മേക്കര് ഒരിക്കല്‍ സ്ഥാപിച്ചു കഴിഞ്ഞാല്‍ അത് നിശ്ചിത കാലത്തിന് ശേഷം ശരീരത്തില്‍ തനിയെ അലിഞ്ഞുചേരും. ജന്മനാ ഹൃദയ വൈകല്യങ്ങളോടെ കുഞ്ഞുങ്ങള്‍ ജനിക്കാറുണ്ട്. ഇവര്‍ക്ക് താല്‍ക്കാലിക പേസിങ് മാത്രമേ ആവശ്യമായി വരൂ. അരിമണിയെക്കാള്‍ വലിപ്പം കുറഞ്ഞ ഈ പേസ്മേക്കറിന് വലിയ പ്രതീക്ഷയാണ് നല്‍കുന്നത്.
ALSO READ: നടി ജാക്വിലിന്‍ ഫെര്‍ണാണ്ടസിന്റെ മാതാവ് നിര്യാതയായി; അന്ത്യം സ്‌ട്രോക്കിനെ തുടര്‍ന്ന്
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
