മകരവിളക്കിന് ദിവസങ്ങൾ മാത്രം ശേഷിക്കെ ശബരിമലയിൽ തീർത്ഥാടകരുടെ വൻ തിരക്ക്. മകരവിളക്ക് മഹോത്സവത്തിനായി നട തുറന്നതിന് ശേഷമുള്ള ആദ്യ നാല് ദിവസങ്ങളിൽ മാത്രം 4,34,664 പേരാണ് ദർശനം നടത്തിയത്.
ഈ മകരവിളക്ക് സീസണിലെ ഏറ്റവും ഉയർന്ന നിരക്ക് രേഖപ്പെടുത്തിയത് ഇന്നലെയായിരുന്നു; ഒരു ലക്ഷത്തിലധികം (1,00,859) പേരാണ് ഇന്നലെ ദർശനം നടത്തിയത് .
ഇന്ന് വൈകുന്നേരം വരെയുള്ള കണക്കുകൾ പ്രകാരം 67,172 പേർ ദർശനം നടത്തിക്കഴിഞ്ഞു. സന്നിധാനത്ത് മണിക്കൂറിൽ ശരാശരി 4,000 തീർത്ഥാടകർ എന്ന നിലയിലാണ് ദർശനം പുരോഗമിക്കുന്നത്.
വരും ദിവസങ്ങളിൽ തിരക്ക് ഇനിയും വർദ്ധിക്കുമെന്ന കണക്കുകൂട്ടലിൽ ദർശനത്തിനായി വിപുലമായ ക്രമീകരണങ്ങളാണ് ദേവസ്വം ബോർഡും പൊലീസും ഒരുക്കിയിരിക്കുന്നത്. ജനുവരി 14-നാണ് പ്രസിദ്ധമായ മകരവിളക്ക് ദർശനം.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
