കൊല്ലം ജില്ലയിലെ മൂന്നു നിയോജകമണ്ഡലങ്ങളിലെ ഒമ്പത്‌ റോഡ് ഉന്നതനിലവാരത്തിലേക്ക്‌ ഉയരുന്നു. കൊട്ടാരക്കര, ചടയമംഗലം, പത്തനാപുരം മണ്ഡലങ്ങളിലെ റോഡുകളാണ്‌ ബിഎം ആൻഡ്‌ ബിസി നിലവാരത്തിൽ നിർമിക്കുന്നത്‌.
ഇതിൽ കൊട്ടാരക്കര മണ്ഡലത്തിലെ നാല്‌ റോഡിന്റെ നിർമാണം പൂർത്തീകരിച്ചു. അഞ്ച്‌ കോടി രൂപ വിനിയോഗിച്ചാണ്‌ കൊട്ടാരക്കര – വെളിനല്ലൂർ റോഡ് നിർമാണം പൂർത്തിയാക്കിയത്‌. നെല്ലിക്കുന്നം – ചെപ്ര, അന്തമൺ – പട്ടാഴി റോഡിനും അഞ്ച്‌ കോടി രൂപ വീതം വിനിയോഗിച്ചു. കൊട്ടാരക്കര – പെരുങ്കുളം റോഡ് 2.7 കോടിരൂപയിൽ പൂർത്തീകരിച്ചു.
ALSO READ: പ്രാർത്ഥനകൾ വിഫലമായി; ആൻ മരിയ യാത്രയായി
കൊട്ടാത്തല മാർക്കറ്റ്‌ ജങ്‌ഷൻ മുതൽ ഇഞ്ചക്കാട്‌ വരെയുള്ള രണ്ട്‌ കിലോമീറ്റർ റോഡിന്റെ ടാറിങ്‌ കഴിഞ്ഞു. അനുബന്ധ പ്രവൃത്തികൾ പുരോഗമിക്കുന്നു. രണ്ട്‌ കോടി രൂപയാണ്‌ ഇതിന്റെ നിർമാണച്ചെലവ്‌.
ചടയമംഗലം മണ്ഡലത്തിൽ ഓയൂർ – അമ്പലംകുന്ന് – കൈതയിൽ – വാപ്പാല റോഡ് 4.2 കോടി രൂപയിൽ നിർമാണം പുരോഗമിക്കുന്നു. ടാറിങ്‌ പൂർത്തിയായ റോഡിന്റെ പാർശ്വഭിത്തി നിർമാണവും ട്രാഫിക്‌ സംവിധാനങ്ങൾ ഒരുക്കുന്നതും അതിവേഗത്തിലാണ്‌. ചടയമംഗലം – പൂങ്കോട്‌ – ഇടക്കോട്‌ – വെട്ടുവഴി – വയയ്‌ക്കൽ റോഡ് ആറുകോടി രൂപയിലാണ്‌ നിർമാണം. അഞ്ചു കിലോമീറ്റർ ദൈർഘ്യമുള്ള റോഡിന്റെ വീതി കൂട്ടുന്നത്‌ ഉൾപ്പെടെയുള്ള പ്രവൃത്തികളാണ്‌ നിലവിൽ നടക്കുന്നത്‌.
ALSO READ: അണയാതെ മണിപ്പൂര്‍ കലാപം: മൂന്ന് പേര്‍ കൂടി കൊല്ലപ്പെട്ടു, നിരവധി വീടുകള്‍ അഗ്നിക്കിരയാക്കി
പത്തനാപുരം മണ്ഡലത്തിൽ 4.5 കോടി രൂപയിൽ കിഴക്കേതെരുവ്‌ – പള്ളിമുക്ക്‌ – വെട്ടിക്കവല റോഡും നാലുകോടി രൂപയിൽ എട്ടിവിള ജങ്‌ഷൻ – അമ്പലത്തുംവിള ജങ്‌ഷൻ റോഡും ടാറിങ്‌ പൂർത്തിയായി. കലുങ്ക്‌, ഓട, സുരക്ഷാസംവിധാനങ്ങൾ എന്നിവയുടെ നിർമാണംകൂടി പൂർത്തിയാകുന്നതോടെ മെച്ചപ്പെട്ട യാത്രാസൗകര്യമുള്ള റോഡുകളായി മാറും.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
