എണ്ണ വേണ്ടേ വേണ്ട; പൂരി ഉണ്ടാക്കാം പ്രഷർ കുക്കറിൽ

എണ്ണമയം കാരണം പൂരിയ്ക്ക് നേരെ മുഖം തിരിയ്ക്കുന്നവരാണോ നിങ്ങൾ ? എന്നാൽ നിങ്ങളുടെ പ്രിയപ്പെട്ട ആ വിഭവം ഇനി ഒഴിവാക്കേണ്ട , എണ്ണയിൽ വറുക്കുന്നതിനു പകരം പ്രഷർ കുക്കറിൽ നമ്മുക്ക് പൂരി ഉണ്ടാക്കി നോക്കിയാലോ ?

അവശ്യ ചേരുവകൾ

ഗോതമ്പു പൊടി – രണ്ടു കപ്പ്
ഉപ്പ് – ആവശ്യത്തിന്
കാരം വിത്ത് – അര ടീസ്പൂൺ
വെള്ളം ആവശ്യത്തിന്

തയാറാക്കുന്ന വിധം

ഒരു പാത്രത്തിൽ ഗോതമ്പുപൊടി എടുത്ത ശേഷം ഉപ്പും കാരം വിത്തും ചേർക്കുക. ചെറുചൂടുള്ള വെള്ളം ഉപയോഗിച്ച്, അല്പം ഉറച്ച മാവ് കുഴയ്ക്കുക. പൂരി മാവ് സാധാരണ റൊട്ടി മാവിനേക്കാൾ അല്പം കട്ടിയുള്ളതായിരിക്കണം. ഈ മാവ് ഒരു 10 മുതൽ 15 മിനിറ്റ് വരെ മാറ്റി വയ്ക്കുക. അതിനു ശേഷം മാവ് വീണ്ടും കൈകൊണ്ട് മൃദുവായി കുഴച്ച് ചെറിയ ഉരുളകളാക്കി തുല്യ വലുപ്പത്തിലുള്ള പൂരികൾ ഉരുട്ടുക.

ALSO READ: സ്വാദിഷ്ടമായ കേക്ക് ഉണ്ടാക്കാം; ഓവനും മുട്ടയും ഇല്ലാതെ: 15 മിനിറ്റിനുള്ളിൽ ചോക്ലേറ്റ് തവകേക്ക്

ഒരു പ്രഷർ കുക്കറിൽ 2 ഗ്ലാസ് വരെ വെള്ളം ഒഴിച്ച് അതിനുള്ളിൽ ഒരു സ്റ്റാൻഡ് വയ്ക്കുക. പൂരികൾ പറ്റിപ്പിടിക്കാതിരിക്കാൻ ഒരു സ്റ്റീൽ പ്ലേറ്റിൽ ചെറുതായി നെയ്യോ എണ്ണയോ പുരട്ടുക. പരത്തിയെടുത്ത പൂരികൾ പ്ലേറ്റിൽ വയ്ക്കുക, ഇത് കുക്കറിനുള്ളിലെ സ്റ്റാൻഡിൽ വയ്ക്കുക. കുക്കറിന്റെ മൂടി അടയ്ക്കുക, പക്ഷേ വിസിൽ ഇടരുത്. ഉയർന്ന തീയിൽ ഏകദേശം 3 മുതൽ 4 മിനിറ്റ് വരെ ആവിയിൽ വേവിക്കുക. കുക്കർ തുറക്കുമ്പോൾ, ബലൂണുകൾ പോലെ വീർത്ത പൂരികൾ ലഭിക്കും.