പ്രസിഡൻഷ്യല് രീതിയിലുള്ള ഭരണക്രമത്തിനാണ് ബിജെപി ശ്രമിക്കുന്നതെന്നും അപ്പോൾ ബിജെപിക്ക് ഭരണം കൈക്കുമ്പിളില് ഒതുക്കാന് ആകുമെന്നും ഡോ. ജോണ് ബ്രിട്ടാസ് എം പി. ഒരു പ്രത്യേക പ്രത്യയശാസ്ത്രത്തെ ഇന്ത്യയുടെ മേല് അടിച്ചേല്പ്പിക്കാനാണ് ശ്രമം. ഒരു രാഷ്ട്രം ഒരു തെരഞ്ഞെടുപ്പ് ഒരു പ്രത്യയശാസ്ത്രം ഒരു മതം ഒരു ഭാഷ ഇതിന്റെ തുടര്ച്ചയാണ് ഒരു രാജ്യം ഒരു തിരഞ്ഞെടുപ്പ് എന്ന വാദവുമെന്നും അദ്ദേഹം പറഞ്ഞു. മാതൃഭൂമി ക ഫെസ്റ്റിവെല് സംഘടിപ്പിച്ച സംവാദത്തില് സംസാരിക്കുകയായിരുന്നു ഡോ. ജോണ് ബ്രിട്ടാസ് എം പി.
കഴിഞ്ഞ തെരഞ്ഞെടുപ്പില് ഒരു ലക്ഷം കോടിയില് അധികം രൂപയാണ് ബിജെപി ചെലവിട്ടത്. വിവിധ ഘട്ടങ്ങളിലായാല് തെരഞ്ഞെടുപ്പ് ചെലവ് വര്ധിക്കുമെന്ന വാദം ശരിയല്ല. ബിജെപി വാദങ്ങള് ഇക്കാര്യത്തില് കഴമ്പുള്ളതല്ല.
Read Also: വിഴിഞ്ഞം: 2028 ഓടുകൂടി തുറമുഖം പൂർണതോതിൽ സജ്ജമാകും; ബജറ്റിൽ വകയിരുത്തിയത് ആയിരം കോടി
ഒരു രാജ്യം ഒരു തെരഞ്ഞെടുപ്പ് പ്രായോഗികമല്ല. ഫെഡറലിസം എന്നത് നമ്മുടെ അടിസ്ഥാന ശിലയാണ്. ഒരു രാജ്യം ഒരു തെരഞ്ഞെടുപ്പ് വൈവിധ്യം നിറഞ്ഞ ഒരു രാജ്യത്തിന് ഭൂഷണമല്ലെന്നും ഡോ. ജോണ് ബ്രിട്ടാസ് എം പി പറഞ്ഞു. സംവാദത്തില് എന്കെ പ്രേമചന്ദ്രന് എംപി, പിആര് ശിവശങ്കര്, അനീഷ് ജേക്കബ് എന്നിവര് പങ്കെടുത്തു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
