അച്ചാർ എല്ലാവർക്കും ഇഷ്ടമാണ് അല്ലെ. കൈയ്യിൽ എന്ത് കിട്ടിയാലും അച്ചാർ ഇട്ടാൽ ഏങ്ങനെ ഉണ്ടാകും എന്ന് ആലോചിക്കുന്നവരാണ് നമ്മളിൽ പലരും. അങ്ങനെ ഉള്ളവർക്ക് പരീക്ഷിക്കാൻ പറ്റിയ ഒരു കിടിലൻ അച്ചാറാണ് സവാള അച്ചാർ ഏങ്ങനെ ഉണ്ടാക്കാമെന്ന് നോക്കാം.
ആവശ്യ സാധനങ്ങൾ:
സവാള – നാലെണ്ണം ( നീളത്തിൽ അരിഞ്ഞത് )
നല്ലെണ്ണ – രണ്ട് ടേബിൾ സ്‌പൂൺ
വിനാഗിരി – രണ്ട് ടേബിൾ സ്‌പൂൺ
മഞ്ഞൾപ്പൊടി – അര ടീസ്‌പൂൺ
മുളകുപൊടി – ഒരു ടീസ്‌പൂൺ
കടുക് – ഒരു ടീസ്‌പൂൺ
ജീരകം – ഒരു ടീസ്‌പൂൺ
കായം – അര ടീസ്‌പൂൺ
ഉപ്പ്- ആവശ്യത്തിന്
പഞ്ചസാര – ഒരു ടീസ്‌പൂൺ
Also read: തുളസി പുട്ട് ഒന്ന് പരീക്ഷിച്ചാലോ? രുചിയിലും ഗുണത്തിലും ഒരുപോലെ കിടിലം
ഉണ്ടാക്കുന്ന വിധം:
ആദ്യം സവാള തൊലി കളഞ്ഞ് കഴുകിയതിനുശേഷം കട്ടി കുറച്ച് നീളത്തിൽ അരിഞ്ഞ് മാറ്റിവെയ്ക്കുക. ശേഷം അരിഞ്ഞ് വെച്ചിരിക്കുന്ന സവാളയിൽ ഉപ്പ് ചേർത്ത് 15 മിനിട്ട് മാറ്റിവെയ്ക്കുക. ശേഷം സവാള പിഴിഞ്ഞ് വെള്ളം നന്നായി കളയണം.
ശേഷം ഒരു പാൻ അടുപ്പിൽവച്ച് ചൂടാക്കി രണ്ട് ടേബിൾ സ്‌പൂൺ നല്ലെണ്ണ ഒഴിച്ച് ചൂടാക്കുക. എണ്ണ നന്നായി ചൂടായി വരുമ്പോൾ കടുക് പൊട്ടിക്കാം. തീ കുറച്ച് വെച്ച് ഇതിലേയ്ക്ക് മഞ്ഞൾപ്പൊടി, മുളകുപൊടി, കായപ്പൊടി എന്നിവ ചേർത്ത് കരിയാതെ ഇളക്കണം.
അതിന് ശേഷം ഒരു സ്‌പൂൺ ജീരകവും കായവും ചേർത്തിളക്കാം. ശേഷം സവാള ഇതിലേയ്ക്ക് ചേർത്ത് നന്നായി യോജിപ്പിച്ചെടുക്കാം. ഇതിലേയ്ക്ക് വിനാഗിരി കൂടി ചേർത്തതിനു ശേഷം തീ ഓഫ് ചെയ്യാം. തണുത്ത് കഴിഞ്ഞ് വൃത്തിയുള്ള, നനവില്ലാത്ത, വായുസഞ്ചാരമില്ലാത്ത കുപ്പിയിൽ അടച്ച് സൂക്ഷിക്കാം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
