നാടകീയതയ്ക്ക് ഒടുവിൽ പാലാ നഗരസഭയിലെ യുഡിഎഫ് ഭരണത്തിന് അവസാനം. സ്വതന്ത്ര മുന്നണിക്കുള്ള പിന്തുണ പിൻവലിക്കാനുള്ള കോൺഗ്രസ് മണ്ഡലം കമ്മിറ്റിയുടെ തീരുമാനമാണ് യുഡിഎഫ് ഭരണത്തിന് അന്ത്യം കുറിച്ചത്. മണ്ഡലം കമ്മിറ്റിയുടെ തീരുമാനം പ്രമേയമായി പാർട്ടി നേതൃത്വത്തെ അറിയിക്കാനും മണ്ഡലം കമ്മിറ്റിയുടെ തീരുമാനിച്ചു .
അതേസമയം പാലാ നഗരസഭയിൽ പ്രതിസന്ധി രൂക്ഷമായ സാഹചര്യത്തിൽ ഭരണം തുലാസിലാകുമോ എന്ന ആശങ്ക യുഡിഎഫിൽ മുന്നേ ഉടലെടുത്തിരുന്നു. ഇതിനെ തുടർന്ന് പ്രശ്നം ചർച്ച ചെയ്യാൻ ഇന്ന് കോൺഗ്രസ് മണ്ഡലം കമ്മിറ്റി യോഗം വിളിച്ചു ചേർത്തിരുന്നു, ഈ യോഗത്തിലാണ് പിന്തുണ പിൻവലിക്കാൻ തീരുമാനമായത്.
also read; പാലാ നഗരസഭയിൽ പ്രതിസന്ധി രൂക്ഷം; പ്രശ്നം ചർച്ച ചെയ്യാൻ കോൺഗ്രസ് മണ്ഡലം കമ്മിറ്റി
ഡിവൈഎഫ്ഐ ജില്ലാ സമ്മേളനത്തിൻ്റെ പൊതുസമ്മേളനത്തിന് കൊട്ടാരമറ്റം ബസ് സ്റ്റാൻഡിൽ വേദി അനുവദിച്ചത് സംബന്ധിച്ച് ഇക്കഴിഞ്ഞ ദിവസം പുതിയ തർക്കം ഉടലെടുത്തിരുന്നു. ബസ് സ്റ്റാൻഡ് പൊതുപരിപാടിക്കായി അനുവദിക്കരുതെന്നാണ് കോൺഗ്രസിന്റെ നിലപാട്. എന്നാൽ ഈ മാനദണ്ഡം മറികടന്ന് ഡിവൈഎഫ്ഐ സമ്മേളനത്തിനായി ബസ് സ്റ്റാൻഡ് അനുവദിച്ചതാണ് അടുത്ത പ്രതിസന്ധിക്ക് വഴിയൊരുക്കിയത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
