യു ഡി എഫ് സർക്കാരിൻ്റെ നയപ്രഖ്യാപനം പ്രതീക്ഷയ്ക്ക് വിരുദ്ധമായതാണെന്നും തിരുത്താനുള്ള സൂചനകൾ കാണുന്നില്ലെന്നും പിണറായി വിജയൻ. ധർമ്മടത്ത് സംഘടിപ്പിച്ച സ്വീകരണ പരിപാടിയിൽ സംസാരിക്കുകയായിരുന്നു അദ്ദേഹം. നയപ്രഖ്യാപനത്തിൽ കേന്ദ്രത്തെ കുറിച്ച് പറയാത്തത് സംശയം ഉളവാക്കുന്നുവെന്നും അദ്ദേഹം പറഞ്ഞു.
കേന്ദ്രം കേരളത്തെ അവഗണിക്കുന്നുണ്ടെന്നത് കോൺഗ്രസിന് അറിയാത്ത കാര്യമല്ല. കേന്ദ്രത്തിൻ്റെ ഇത്തരം തെറ്റായ സമീപനങ്ങളെ തുറന്ന് കാണിക്കേണ്ടുന്നത് സംസ്ഥാന സർക്കാരാണ്. എന്നാൽ യു ഡി എഫ് സർക്കാരിന് അത് സാധിക്കുന്നില്ല. പെട്രോളിനും ഡീസലിനും പാചക വാതകത്തിനും വില വർദ്ധിക്കുന്നു എന്നാൽ സംസ്ഥാന സർക്കാറിന് ഉണർന്ന് പ്രവർത്തിക്കാനാകുന്നില്ലെന്നും അദ്ദേഹം പറഞ്ഞു.
പുതിയ സർക്കാരിനെ കുറിച്ച് പൂർണമായ വിലയിരുത്തലിനുള്ള സമയമായിട്ടില്ല. കേരളത്തെ മുന്നോട്ട് നയിക്കാൻ ഉതകുന്നതായിരിക്കണം സർക്കാരിൻ്റെ നിലപാടുകൾ അത്തരം നിലപാടുകളാണെങ്കിൽ പിന്തുണയ്ക്കും അല്ലാത്ത പക്ഷം പ്രതിഷേധങ്ങൾ ഉയർത്തുമെന്നും ക്രിയാത്മ പ്രതിപക്ഷമായി എൽഡിഎഫ് പ്രവർത്തിക്കുമെന്നും അദ്ദേഹം പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
