സാധാരണക്കാരുടെ ഉറച്ച ശബ്ദമാണ് പന്ന്യൻ രവീന്ദ്രൻ, വർഗീയ ശക്തികൾക്കെതിരെ ശബ്ദമുയർത്തി: മുഖ്യമന്ത്രി

ഈ നാട്ടിലെ സാധാരണക്കാരുടെ ഉറച്ച ശബ്ദമാണ് പന്ന്യൻ രവീന്ദ്രൻ എന്ന് മുഖ്യമന്ത്രി പിണറായി വിജയൻ. ഇടതുപക്ഷ പുരോഗമനാശയങ്ങൾക്കായി പോരാടുന്ന അദ്ദേഹം അടിച്ചമർത്തലിനെതിരെയും വർഗീയ ശക്തികൾക്കെതിരെയും പൊതുമണ്ഡലത്തിലും പാർലമെന്റിലും ഒരുപോലെ ശബ്ദമുയർത്തി എന്നും മുഖ്യമന്ത്രി പങ്കുവെച്ച ഫേസ്ബുക് പോസ്റ്റിൽ പറഞ്ഞു. എംപിയായിരിക്കെ തിരുവനന്തപുരം മണ്ഡലത്തിന്റെ മുഖച്ഛായ മാറ്റിയ പല ജനകീയ വികസന പദ്ധതികളും അദ്ദേഹം നടപ്പിലാക്കി എന്നും മുഖ്യമന്ത്രി കുറിച്ചു.

ALSO READ: ‘മലയാള സിനിമയ്ക്കിത് പൊന്നു വിളയും കാലം’, ആടുജീവിതം അതിവേഗ റെക്കോർഡിലേക്ക്; രണ്ടുദിവസം കൊണ്ട് നേടിയത്

പന്ന്യൻ രവീന്ദ്രന്റെ പ്രചരണ പരിപാടികളിൽ പങ്കുചേർന്നു വിവരവും അദ്ദേഹം കുറിച്ചു.മണ്ഡലത്തിലെ വിവിധയിടങ്ങളിലായി നടന്ന പൊതുയോഗങ്ങളിൽ അണിചേർന്ന ജനാവലി പ്രചരണത്തിൽ ഇടതുപക്ഷം നേടിയ മേൽക്കൈ കൃത്യമായി വരച്ചു കാട്ടുന്നതായിരുന്നുവെന്നും മതനിരപേക്ഷ കേരളം ഇടതുപക്ഷത്തോടൊപ്പമാണ് എന്നും അദ്ദേഹം വ്യക്തമാക്കി.

ALSO READ: പലസ്തീൻ വിഷയത്തിൽ സംസാരിക്കാൻ പോയാൽ ഇസ്രയേലിനെ പ്രകീർത്തിക്കുന്ന നിലപാട് പന്ന്യൻ രവീന്ദ്രനിൽ നിന്ന് ഉണ്ടാകുമെന്ന് ആശങ്ക വേണ്ട : മുഖ്യമന്ത്രി

മുഖ്യമന്ത്രിയുടെ ഫേസ്ബുക് പോസ്റ്റ്