നാടൻ കലാകാരന്മാരെ സംരക്ഷിക്കണമെന്നാണ് സർക്കാർ നിലപാട്; ഇതിനെല്ലാം വേണ്ടിയാണ് കേരളീയം സർക്കാർ സംഘടിപ്പിച്ചത്: മുഖ്യമന്ത്രി

നാടൻ കലാകാരന്മാരെ സംരക്ഷിക്കണമെന്നാണ് സർക്കാർ നിലപാടെന്ന് മുഖ്യമന്ത്രി പിണറായി വിജയൻ. ഇതിനെല്ലാം വേണ്ടിയാണു കേരളീയം സംഘടിപ്പിച്ചത്. അതിനെ വിമർശിക്കാൻ ആയിരുന്നു ചിലർക്ക് താൽപര്യം. പരിപാടിക്ക് ആളുണ്ടാകില്ല എന്നായിരുന്നു പ്രചാരണം. പറഞ്ഞവരെയെല്ലാം അമ്പരപ്പിച്ച പങ്കാളിത്തമാണ് കേരളീയത്തിൽ ഉണ്ടായത്. കേരളീയത്തിൽ അവതരിപ്പിച്ച ആദിമം പരിപാടിയെ അവഹേളിച്ചു. നാടൻ കലാകാരന്മാർ തന്നെ ഇതിനെതിരെ രംഗത്തുവന്നു.

Also Read: ‘പരിശീലനത്തിന് എത്തിയ പെണ്‍കുട്ടികളെ ലൈംഗികാതിക്രമത്തിനിരയാക്കി’, തിരുവനന്തപുരം കെസിഎയിലെ ക്രിക്കറ്റ് കോച്ച്‌ അറസ്റ്റിൽ

അതിലൂടെ സർക്കാരിനെ മോശമായ ചിത്രീകരിക്കാൻ ആണ് ചിലർ ശ്രമിച്ചത്. നാടൻ കലകളെയും കലാകാരന്മാരെയും സംരക്ഷിക്കുന്ന അക്കാദമി സ്വീകരിക്കുന്നത്. വിദേശ സഞ്ചാരികളെ ആകർഷിക്കാൻ ഫോക്ലോർ ഫെസ്റ്റിവൽ സംഘടിപ്പിക്കും. അന്താരാഷ്ട്ര ഫിലിം ഫെസ്റ്റിവലിന് സമാനമായ രീതിയിൽ ഫോക്ലോർ ഫെസ്റ്റിവൽ സംഘടിപ്പിക്കും. അതിലൂടെ നാടൻ കലാകാരന്മാർക്ക് കൂടുതൽ വരുമാനം ഉണ്ടാക്കാൻ അവസരം ലഭിക്കുമെന്നും അദ്ദേഹം പറഞ്ഞു.

Also Read: ധീരജിന്റെ മാതാപിതാക്കളുടെ കണ്ണീര് പ്രതിപക്ഷ നേതാവ് കാണുന്നില്ലേ? പ്രതിപക്ഷ നേതാവിന് എന്തുകൊണ്ടാണ് സെലക്ടീവ് ഡിമൻഷ്യാ ഉണ്ടാകുന്നത്: മന്ത്രി എം ബി രാജേഷ്